ପଟ୍ଟାମୁଣ୍ଡାଇ, କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ଅଂଚଳରେ ଥିବା ଭାରତ ଗ୍ୟାସ୍ ଡିପୋ ଓ ରାଜନଗର ବ୍ଲକ ତାଳଚୁଆର ତିନୋଟି ସ୍ଥାନରେ ଆୟକର ବିଭାଗ ପକ୍ଷରୁ ଚଢ଼ଉ କରାଯାଇଛି । ଏକକାଳୀନ ପୃଥକ୍ ପୃଥକ୍ ୪ଟି ସ୍ଥାନରେ ଏହି ଚଢ଼ଉ ହୋଇଛି । ପଟ୍ଟାମୁଣ୍ଡାଇ ଭାରତ ଗ୍ୟାସ୍ ଡିଷ୍ଟ୍ରିବ୍ୟୁଟରଙ୍କ ଘରେ ଓ କାର୍ଯ୍ୟାଳୟରେ ଆୟକର ବିଭାଗର ୫ ଜଣିଆ ଟିମ୍ ଚଢ଼ଉ କରିଛି। ସେହିପରି ରାଜନଗର ବ୍ଲକ ତାଳଚୁଆ ଅଂଚଳର ମଦନ ଦେବନାଥ, ଅମଲ ପ୍ରଧାନ, ସୁଜେଶ ମଣ୍ଡଳଙ୍କ ବ୍ୟବସାୟ ପ୍ରତିଷ୍ଠାନ ଓ ଘରେ ଏକକାଳୀନ ଚଢ଼ଉ ଜାରୀ ରଖିଛି ଆଉ ତିନୋଟି ଟିମ୍ । ଗତକାଲି ଠାରୁ ଏହି ଚଢ଼ଉ ଚାଲିଛି । ଚଢ଼ଉ ଜାରୀ ରହିଥିବାରୁ ଏନେଇ ସବିଶେଷ ତଥ୍ୟ ମିଳିପାରିନାହିଁ ।
