କାଶ୍ମୀର, ଜମ୍ମୁ-କାଶ୍ମୀରର ଶୋପିୟାଂ ଜିଲ୍ଲାରେ ଆଜି ଯବାନ ଓ ଆତଙ୍କବାଦୀଙ୍କ ମଧ୍ୟରେ ସଂଘର୍ଷ ବେଳେ ଯବାନଙ୍କ ଗୁଳିରେ ତିନି ଆତଙ୍କବାଦୀ ନିହତ ହୋଇଛନ୍ତି । ପ୍ରାଣ ହରାଇଥିବା ତିନି ଆତଙ୍କବାଦୀ ଆତଙ୍କୀ ସଂଗଠନ ଲସ୍କର- ଏ – ତୈୟବା ସଂଗଠନର ବୋଲି ଜଣାପଡିଛି । ସେମାନଙ୍କ ନିକଟରୁ ଗୋଟିଏ ଏକେ-୪୭ ରାଇଫଲ୍ ଏବଂ ୨ଟି ପିସ୍ତଲ ଜବତ ହୋଇଛି ।
କାଶ୍ମୀର ଏଡିଜିପି ଏନେଇ ସୂଚନା ଦେଇ କହିଛନ୍ତି ଯେ, ଶୋପିୟାଂ ଜିଲ୍ଲାର ମୁଞ୍ଝ ମାର୍ଗରେ କେତେକ ଆତଙ୍କବାଦୀ ଲୁଚି ରହିଥିବା ନେଇ ପୋଲିସକୁ ସୂଚନା ମିଳିଥିଲା । ସୂଚନାକୁ ଆଧାର କରି ପୋଲିସ ସମ୍ପୃକ୍ତ ଅଂଚଳକୁ ଘେରାବନ୍ଦୀ କରିଥିଲା । ଆତଙ୍କବାଦୀ ମାନଙ୍କୁ ଆତ୍ମସମର୍ପଣ କରିବାକୁ କୁହାଯାଇଥିଲା । କିନ୍ତୁ, ସେମାନେ ଗୁଳିଚାଳନା ଆରମ୍ଭ କରିଥିଲେ । ପରେ ଯବାନ ମାନେ ଏହାର ପାଲଟା ଜବାବ ରଖିଥିଲେ । ଉଭୟଙ୍କ ମଧ୍ୟରେ ଗୁଳି ବିନିମୟ ବେଳେ ତିନି ଜଣ ଆତଙ୍କବାଦୀ ପ୍ରାଣ ହରାଇଛନ୍ତି ।
