ଗଞ୍ଜାମ,ବ୍ରହ୍ମପୁର ଜିଲ୍ଲା ପୋଲିସର ଏକ ଅପରାଧ ସମୀକ୍ଷା ବୈଠକ ଆଜି ଏସପି ଡଃ. ସର୍ବଣା ବିବେକ ଏମ୍ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଆଗକୁ ବଡ଼ଦିନ ଓ ଜିରୋ ନାଇଟ୍, ନୂଆବର୍ଷ ଏବଂ ଗୋପାଳପୁର ମହୋତ୍ସବ ଥିବା ବେଳେ ଏଗୁଡିକ କିଭଳି ଶାନ୍ତିଶୃଙ୍ଖଳାର ସହିତ ସମ୍ପନ୍ନ ହେବ ସେଥିନେଇ ବୈଠକରେ ଆଲୋଚନା ହୋଇଥିଲା । ଜେଲ୍ ଫେରନ୍ତା ଅପରାଧୀଙ୍କ ଉପରେ ତୀକ୍ଷ୍ନ ନଜର ରଖିବା, ମଦ କାରବାର, ଦାଦାବଟି ଆଦାୟ ଉପରେ ରୋକ୍ ଲଗାଇବା, ରାତ୍ରୀକାଳୀନ ପାଟ୍ରୋଲିଂକୁ କଡ଼ାକଡ଼ି କରିବା, ସାଇବର ଅପରାଧ ନେଇ ସଚେତନତା ସୃଷ୍ଟି କରିବା ଉପରେ ଏସପି ଗୁରୁତ୍ଵାରୋପ କରିଥିଲେ ।
ଜିଲ୍ଲା ପୋଲିସର ସମସ୍ତ ବରିଷ୍ଠ ଅଧିକାରୀ ଓ ଥାନା ଅଧିକାରୀ ମାନେ ଏହି ବୈଠକରେ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ ।
