ବଲାଙ୍ଗିର, ବଲାଙ୍ଗିରରେ ୬୫ ବର୍ଷୀୟ ଶାରିରିକ ଅକ୍ଷମ ଦ୍ଵାରୁ କୁ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ନବକୃଷ୍ନ ସାହୁ ବଲାଙ୍ଗିର ମାହେଶ୍ଵରୀ ସଂଗଠନର ମୁଖ୍ୟ ଅଙ୍କୁଶ ପାଣ୍ଡିଆ ଓ ଅନ୍ୟ ସ୍ଵେଚ୍ଛାସେବୀ ମାନଙ୍କ ସହାୟତାରେ ସାଲେପାଲି ସ୍ଥିତ ଜରାନିବାସରେ ନେଇ ରହିବା ବ୍ୟବସ୍ଥା କରାଯାଇଛି। ଜୀବନର ବଳକା ସମୟ ଗୁଡ଼ିକ ସୁରକ୍ଷିତ ଓ ସୁସ୍ଥ ରହିବାକୁ ତାକୁ ଏଠାରେ ରଖାଯାଇଛି।
ଦ୍ଵାରୁ ର ଜନ୍ମ ବୃତ୍ତାନ୍ତ ଦେଖିଲେ ବହୁ ବର୍ଷ ପୂର୍ବରୁ ବଲାଙ୍ଗିର ସହରରେ ବୁଲୁଥିବା ଭିକ୍ଷାବୃତ୍ତି କରୁଥିବା ଜଣେ ପାଗଳୀର ସନ୍ତାନ ସେ। ଦ୍ଵାରୁ ମାନସିକ ଅନଗ୍ରସର ଥିଲେ ମଧ୍ୟ କିଛିଟା ଲୋକଙ୍କ ସହାୟତାରେ ଏତେଦିନ ଚଳି ବୟସାଧିକ୍ୟ ଓ ରୁଗଣ ହୋଇଥିଲା। ଚଲାବୁଲା କରିନପାରି ଗୁରୁଣ୍ଡି ଗୁରୁଣ୍ଡି ଏକ ଅଭିଶପ୍ତ ଜୀବନ ବିତାଉଥିଲା। ଆଜି ଏକ କାର୍ ରେ ବସାଇ ତାକୁ ନିଆଯାଇଛି ଓ ସେଠାରେ ତତ୍ଵାବଧାନରେ ଛଡା ଯାଇଛି।
