ଘଟଗାଁ, କେନ୍ଦୁଝର ଜିଲ୍ଲା ଘସିପୁରା ନିର୍ବାଚନ ମଣ୍ଡଳୀ ଅନ୍ତର୍ଗତ ଘଟଗାଁ ବ୍ଲକରେ ନିଯୁକ୍ତିପ୍ରାପ୍ତ ଏବିଡିଓ ଚିତ୍ତରଞ୍ଜନ ନାୟକଙ୍କୁ ୨୦୨୨ର ରାଜ୍ୟସ୍ତରୀୟ ସାହିତ୍ୟ ଦର୍ପଣ ସମ୍ମାନ ପ୍ରଦାନ କରାଯାଇଛି । ସଂପାଦକ ବିମଳ କୁମାର ପତିଙ୍କ ସୌଜନ୍ୟରୁ ଚଣ୍ଡିଖୋଲ ବିଜୁ କଲ୍ୟାଣ ମଣ୍ଡପ ଠାରେ ଆୟୋଜିତ ରାଜ୍ୟସ୍ତରୀୟ ସମାବେଶ ଓ କବିତା ଉତ୍ସବରେ ଶ୍ରୀ ନାୟକଙ୍କୁ ଏହି ସମ୍ମାନରେ ସମ୍ମାନିତ କରାଜିବା ସହ ମାନପତ୍ର ଓ ଉପଢୌକନ ପ୍ରଦାନ କରାଯାଇଛି ।
ପ୍ରକାଶ ଯେ, ଶ୍ରୀ ନାୟକ ଏକାଧାରାରେ ଜଣେ ମିଷ୍ଟଭାଷି, ନିଜର ପାରିଦର୍ଶିତାରୁ ଜିପିଓରୁ ଏବିଡିଓ ଏବଂ ଯୁବକବି । ସେ ଇଂରାଜୀ ଓଡିଆ କବିତା ରଚନାରେ ପାରଙ୍ଗମ। ମାଟି ମନସ୍କତା ଓ ପ୍ରେମକୁ କବିତାର ସ୍ଵରକୁ ପ୍ରତିପାଦିତ କରି ତିନୋଟି କବିତା ସଂକଳନ ପ୍ରକାଶିତ ହେବା ସହିତ ତାଙ୍କର ୩୦୦ ଶହରୁ ଅଧିକ ଲେଖା ଅନେକ ପତ୍ରପତ୍ରିକାରେ ପ୍ରକାଶିତ ହୋଇଥିବା ବିଭିନ୍ନ ସୂତ୍ରରୁ ଜଣାପଡିଛି ।
