ପୁରୀ ,୧୭ ଡ଼ିସେମ୍ବର ପବିତ୍ର ଧନୁ ସଂକ୍ରାନ୍ତିରେ ବଡ଼ଶଙ୍ଖ ବଜାରଠାରେ ଶ୍ରୀ ତ୍ରିନାଥ ଦେବଙ୍କର ୧୨ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇ ଯାଇଛି |ଏହି କାର୍ଯ୍ୟକ୍ରମକୁ ଶ୍ରୀ ତ୍ରିନାଥ ଦେବଙ୍କ ପୂଜା କମିଟି ପରିଚାଳନା କରିଥିଲେ |ଏହି ସମାରୋହରେ ମୁଖ୍ୟ ଅତିଥି ଭାବେ ରାଜ୍ୟ ଯୁବ ବିଜେଡ଼ିର ଉପ ସଭାପତି ସୁନିଲ ମହାନ୍ତି ଓ ସମ୍ମାନୀୟ ଅତିଥି ଭାବେ ପୂର୍ବତନ ପୌର ଅଧ୍ୟକ୍ଷା ଶାନ୍ତିଲତା ପ୍ରଧାନ, ଛାତ୍ର ବିଜେଡି ରାଜ୍ୟ ସମ୍ପାଦକ ଷ୍ଟାଲିନ ପରିଜା, ଅମୃତ ମିଶ୍ର, ମା ଶଙ୍ଖେଶ୍ୱରି ବ୍ୟବସାୟୀ ସଂଘର ସଭାପତି ହରିହର ପାଢ଼ୀ, ସମ୍ପାଦକ ପ୍ରମୋଦ କୁମାର ଜେନା, ମୁଖ୍ୟ ଉପଦେଷ୍ଟା ସୁରେନ୍ଦ୍ରନାଥ ଦାଶ ପ୍ରମୁଖ ଯୋଗଦେଇଥିଲେ |ଅନ୍ୟ ଅତିଥି ମାନଙ୍କ ମଧ୍ୟରେ ଘନଶ୍ୟାମ ମର୍ଦ୍ଧରାଜ, ଲୋକନାଥ ମହାପାତ୍ର, ଯୁବ ଆଇନଜୀବୀ ଦେବାଶିଷ ଦାଶ, ସୁବାଷ ଚନ୍ଦ୍ର ପଣ୍ଡା, ଲୋକନାଥ ଦାସ, ପର୍ଶୁରାମ ପ୍ରଧାନ ଓ ବିଷ୍ଣୁ ଚରଣ ପରିଡ଼ା ପ୍ରମୁଖ ଯୋଗ ଦେଇଥିଲେ।
ଏହି ପରିପ୍ରେକ୍ଷୀରେ ସଂଘର ସମ୍ପାଦକ ପ୍ରମୋଦ କୁମାର ଜେନା ଓ ଶ୍ରୀ ତ୍ରିନାଥ ଦେବଙ୍କ ପୂଜା କମିଟିର କର୍ମକର୍ତ୍ତାଙ୍କ ମଧ୍ୟରେ କାହ୍ନୁ ଚରଣ ଦାଶ, ସୋମନାଥ ସେଠୀ, ନିରଞ୍ଜନ ମଙ୍ଗରାଜ, ବୀରେନ ସାମନ୍ତରାୟ, ଜଗନ୍ନାଥ ଦାଶ, ପ୍ରମୋଦ ଦାଶ, ପୂର୍ଣ୍ଣ ଚନ୍ଦ୍ର ବେହେରା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିବା ସହିତ ଅତିଥି ମାନଙ୍କୁ ସମ୍ବଦ୍ଧିତ କରିଥିଲେ। ଅତିଥି ମାନେ ବକ୍ତବ୍ୟରେ କିଛି ସାମାଜିକ ବାର୍ତ୍ତା ଦେବା ସହିତ ଆୟୋଜକମାନଙ୍କୁ ଧନ୍ୟବାଦ ଜ୍ଞାପନ କରିଥିଲେ ଓ ବଜାରର ସୁବିଧା ଅସୁବିଧା ରେ ସହଯୋଗ କରିବା ପାଇଁ ପ୍ରତିଶ୍ରୁତି ମଧ୍ଯ ଦେଇଥିଲେ।
