ଗଞ୍ଜାମ,ଗଞ୍ଜାମ ଜିଲ୍ଲା ଶେରଗଡ଼ ବ୍ଲକ ଅନ୍ତର୍ଗତ ପିତଳ ଅଂଚଳରେ ସାମାନ୍ୟ ବଚସାକୁ ନେଇ ଘଟିଛି ହତ୍ୟାକାଣ୍ଡ । ଏହି ଗ୍ରାମର ହିନ ନାୟକ ନାମକ ଜଣେ ୫୨ ବର୍ଷିୟ ବ୍ୟକ୍ତିଙ୍କୁ ଅପର ଗୋଷ୍ଠି ପିତଳ ଡାକ୍ତରଖାନା ରାସ୍ତାରେ ହତ୍ୟା କରି ଫୋପାଡ଼ି ଦେଇଥିବା ଜଣାପଡିଛି । ଗତକାଲି ରାତିରେ ବିଦ୍ୟୁତ କାଟ୍ ସମୟରେ ଅନ୍ଧାରର ସୁଯୋଗ ନେଇ ତାଙ୍କୁ ହତ୍ୟା କରାଯାଇଥିବା ଜଣାପଡିଛି । ଖବର ପାଇ ହିଞ୍ଜିଳିକାଟୁ ଥାନା ଅଧିକାରୀ ଅଭିମନ୍ୟୁ ଦାଶ ଓ ଆସିକା ଥାନା ଅଧିକାରୀ ପ୍ରଶାନ୍ତ କୁମାର ସାହୁ ସଦଳବଳେ ଘଟଣାସ୍ଥଳରେ ପହଂଚି ଶବ ଜବତ କରିବା ସହ ଏହାକୁ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ମେଡ଼ିକାଲକୁ ପଠାଇଛନ୍ତି । ପୋଲିସ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି ।
