ନୂଆପଡା – ନୂଆପଡା ଜିଲ୍ଲା ଖଡିଆଳ ବ୍ଲକ ଚନାବେଡା ପଂଚାୟତର ରୋହେନପଦର ଗ୍ରାମ ନିକଟରେ ଏକ ବାଇକ ଆରୋହୀ ଏବଂ ସାଇକେଲ ଆରୋହୀ ମୁହାଁମୁହିଁ ହେବାରୁ ଜଣକର ମୃତୁ୍ୟ ହୋଇଯାଇଛି । ଚନାବେଡା ଗ୍ରାମର ରୁଦ୍ର ମାଝୀ(୪୭) ନିଜ ଧାନ ଅମଲ କରି ବାଇକରେ ନିଜ ଘର ଚନାବେଡାକୁ ଫେରୁଥିବା ବେଳେ ରୋହେନପଦର ଗ୍ରାମ ନିକଟରେ ଏକ ସାଇକେଲ ଆରୋହୀଙ୍କ ସହ ମୁହାଁମୁହିଁ ହୋଇଥିଲା । ଫଳରେ ବାଇକ ଆରୋହୀ ରୁଦ୍ର ମାଝୀ ଗୁରୁତର ଆହତ ହୋଇଥିଲେ । ତାଙ୍କୁ ଗୁରୁତର ଅବସ୍ଥାରେ ମିଶନ ଠାରେ ଭର୍ତି କରାଯାଇଥିବା ବେଳେ ଡାକ୍ତର ମୃତ ଘୋଷଣା କରିଥିଲେ । ଅନ୍ୟପକ୍ଷରେ ସାଇକେଲ ଆରୋହୀ ଜଣକଙ୍କ ମୁହଁ ଏବଂ ନାକରେ ପ୍ରବଳ ମାଡ ହୋଇଥିବା ଜଣାପଡିଛି । ଏନେଇ ଖଡିଆଳ ଥାନାରେ ଏକ ଅପମୃତୁ୍ୟ ମାମଲା ରୁଜୁ ହୋଇ ଘଟଣାର ତଦନ୍ତ ଚଲାଉଥିବା ଜଣାପଡିଛି ।
