ମାଲକାନଗିରି,ମାଲକାନଗିରି ମହାବିଦ୍ୟାଳୟରେ ପ୍ରଥମ ଥର ପାଇଁ ଅନୁଷ୍ଠିତ ଜିଲ୍ଲା ସ୍ତରୀୟ ଆନ୍ତଃମହାବିଦ୍ୟାଳୟ କ୍ରିକେଟ ଓ ଭଲିବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଏହି ଉଦଯାପନୀ ଉତ୍ସବରେ ଭାରପ୍ରାପ୍ତ ଅଧ୍ୟକ୍ଷ ଡ଼ଃ. ରଞ୍ଜନ କୁମାର ସ୍ବାଇଁ ସଭାପତିତ୍ବ କରିଥିଲା ବେଳେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ସମାରୀ ଟାଙ୍ଗୁଲୁ ଯୋଗଦେଇ ବିଜୟୀ ଦଳକୁ ଉତ୍ସାହିତ କରିଥିଲେ । ମାଲକାନଗିରି ସାମ୍ବାଦିକ ସଂଘର ସଭାପତି ଦେବବ୍ରତ ଦାସ ଓ ସମାଜର ଜିଲ୍ଲା ପ୍ରତିନିଧି ଗୋପୀ ପଟ୍ଟନାୟକ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହି ଛାତ୍ର ଛାତ୍ରୀଙ୍କୁ ଉତ୍ସାହିତକରିଥିଲେ । କାର୍ଯ୍ୟକ୍ରମକୁ ଅଧ୍ୟାପକ ଜିମୁତ ନାୟକ ପରିଚାଳନା କରିଥିଲା ବେଳେ ନମିତା ଦଣ୍ଡସେନା ଅତିଥି ମାନଙ୍କର ପରିଚୟ ଦେବା ସହିତ ଅତିଥି ମାନଙ୍କୁ ସ୍ଵାଗତ କରିଥିଲେ । ସମ୍ମାନିତ ଅତିଥି ଭାବେ ପ୍ରାଧ୍ୟାପକ ଲିଙ୍ଗରାଜମିଶ୍ର ଉପସ୍ଥିତ ଥିଲେ । ଭଲିବଲ ଟୁର୍ଣ୍ଣାମେଣ୍ଟରେ ମାଲକାନଗିରି ମହାବିଦ୍ୟାଳୟ ବିଜୟୀ ହୋଇଥିଲା ବେଳେ ମଡେଲ ଡିଗ୍ରୀ କଲେଜ୍ ରନର୍ସ ଅପ ହୋଇଥିଲା ।ପ୍ରାୟତଃ ୧୦୦୦ରୁ ଅଧିକ ଛାତ୍ରଛାତ୍ରୀ ଏହି ଉଦଯାପନୀ ଉତ୍ସବରେ ଉପସ୍ଥିତ ରହି ଫାଇନାଲ ମ୍ୟାଚ୍ ଦେଖିବା ସହିତ ଦଳମାନଙ୍କୁ ଉତ୍ସାହିତ କରିଥିଲେ । ଅଧ୍ୟାପିକା ପ୍ରେମରେଖା ଭତ୍ରା ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ ।
ଅନ୍ୟାନ୍ୟ ଅଧ୍ୟାପକ ଓ ଅଧ୍ୟାପିକା ତଥା ରମେଶ ଚନ୍ଦ୍ର ରାଉତ, ବି.ଜି. ରାଓ, ତପନ ବେହେରା, ଟୁକୁନା ପ୍ରସାଦ ବଡୁ, ପ୍ରମିୟ କୁମାର ମହାନ୍ତି, ଲକ୍ଷ୍ମୀ କୁଜୁର, ସୀତାଂଶୁ ମାଳିନୀ ପରିଡା, ଦୀପ୍ତି ରେଖା ମିଶ୍ର, ସବିତା ମୁଦୁଲି , ସୁଜିତ ପାଣିଗ୍ରାହୀ, ମନୋରଞ୍ଜନ ପରିଡା ପ୍ରମୁଖ ଉପସ୍ଥିତ ଥିଲେ ।ଏନ୍.ସି.ସି. ସେଛାସେବୀ ମାନେ ସହଯୋଗ କରିଥିଲେ । ବିଜୟୀ ଟିମ୍ କୁ ମାନପତ୍ର ଓ ଟ୍ରଫି ଅତିଥିଙ୍କ ଦ୍ବାରା ପ୍ରଦାନ କରାଯାଇଥାଲା। ଶେଷରେ ଆଥଲେଟିକ ଆସୋସିଏସନ୍ ସଦସ୍ୟ ତଥା ଅଧ୍ୟାପକ ସୁଶାନ୍ତ ମାଝୀ ଧନ୍ୟବାଦ ଅର୍ପଣ କରିଥିଲେ।
