ପୁରୀ ସହରରେ ମଶା ନିୟନ୍ତ୍ରଣରେ ପୌରପାଳିକାର ବିଫଳଆମ ଆଦମୀ ପାର୍ଟିର ସଦସ୍ୟ ମଶାରୀ ଘୋଡ଼ି ହୋଇ ପୌରପାଳିକା କାର୍ଯ୍ୟାଳୟ ସମ୍ମୁଖରେ କଲେ ପ୍ରତିବାଦ

କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ ,ପୁରୀ ସହରରେ ରେ ମଶା ସମସ୍ୟା ଦିନକୁ ଦିନ ବଢ଼ିବାରେ ଲାଗିଛି । ପୁରୀ ପୌରପାଳିକା ଏଥିପ୍ରତି ଧ୍ୟାନ ଦେଉନାହିଁ କି କୌଣସି ପ୍ରତିକାର କରୁନାହିଁ । ତେଣୁ ଆଜି ସନ୍ଧ୍ୟା 4ଟା ରେ ପୁରୀ ପୌରପାଳିକା ଅଫିସ ସମ୍ମୁଖରେ ଆପ୍ ତରଫରୁ ଶାନ୍ତିପୂର୍ଣ୍ଣ ବିରୋଧ ପ୍ରଦର୍ଶନ କରାଯାଇଛି । ଆପ୍ ର ସଦସ୍ୟ ମଶାରୀ ଘୋଡ଼ି ହେଇ ପୌରପାଳିକା ଅଫିସ ସମ୍ମୁଖରେ ଏକ ଅଭିନବ ପ୍ରୟାସ ରେ ପ୍ରତିବାଦ କରିଛନ୍ତି । ପୁରୀ ପୌରପାଳିକା ପୁରୀ ସହର ସଫା ସୁତୁରା ରଖିବାରେ ବିଫଳ ହେଇଥିବାରୁ ମଶା ସଂଖ୍ୟା ବଢୁଛି ଏବଂ ମଶା କମ୍ କରିବାକୁ କୌଣସି ପଦକ୍ଷେପ ପୌରପାଳିକା ନେଉନାହାନ୍ତି ବୋଲି ଜିଲ୍ଲା ସମ୍ପାଦକ ସତ୍ୟଜିତ ମହାନ୍ତି କହିଛନ୍ତି । ସେହିଭଳି ପୁରୀ ପୌରପାଳିକା ସ୍ୱଚ୍ଛତା ପାଇଁ ପୁରସ୍କାର ପାଇଥିଲେ ମଧ୍ୟ ଏହା କେବଳ କାଗଜ କଲମରେ ସିମୀତ ବୋଲି ଜିଲ୍ଲା ଆବାହକ ସଞ୍ଜୀବ ମହାନ୍ତି କହିଛନ୍ତି । ପୁରୀ ସହରରେ ଅନେକ ନାଳ ଖୋଲା ମୁକୁଳା ପଡ଼ିଥିବା ବେଳେ ପୌରପାଳିକା ବର୍ଷକୁ ଥରେ ରଥଯାତ୍ରା ସମୟରେ ନାଳ ସଫା କରି ନିଜ ଦାୟିତ୍ୱ ରୁ ଓହରି ଯାଉଛି ବୋଲି ଆପ୍ ସଦସ୍ୟ ଅଭିଯୋଗ କରିଛନ୍ତି । ଆଗକୁ ଯଦି ପୁରୀ ର ମଶା ସମସ୍ୟାକୁ ଦୂର କରିବା ପାଇଁ ପୁରୀ ପୌରପାଳିକା ଉଚିତ୍ ପଦକ୍ଷେପ ନ ନିଏ ତେବେ ଆଜି ଯୋଉ ପ୍ରତିବାଦ ପୌରପାଳିକା ସମ୍ମୁଖରେ ହେଉଛି ତାହା ଅଫିସର୍ ଙ୍କ ଅଫିସ୍ ସମ୍ମୁଖରେ କରିବେ ବୋଲି ଆପ୍ ସଦସ୍ୟ ଚେତେଇ ଦେଇଛନ୍ତି । ସେପଟେ ପୌରପାଳିକା ନିର୍ବାଚନ ନାହୋଇଥିବାରୁ ସରକାରୀ ଅଫିସର ମାନେ ମନମୁଖୀ କାର୍ଯ୍ୟ ସହ ଦୁର୍ନୀତି ର ଗନ୍ଧ ଆସୁଛି ବୋଲି ଜିଲ୍ଲା ସୋସିଆଲ ମିଡ଼ିଆ ଅଧ୍ୟକ୍ଷ ସମୀର ସାମନ୍ତରାୟ କହିଛନ୍ତି । ପୌରପାଳିକାର ଫେବର୍ ବ୍ଲକ୍ ଦୁର୍ନୀତି ପରେ ମଶା ପାଇଁ ମଧ୍ୟ ସବୁ ବର୍ଷ ଦୁର୍ନୀତି ହେଉଛି ବୋଲି ଜିଲ୍ଲା ଯୁବ ସଭାପତି ଅଂଶୁମାନ ଶତପଥୀ କହିଛନ୍ତି ।
ଏହି କାର୍ଯ୍ୟକ୍ରମ ଜିଲ୍ଲା ଆବାହକ ସଞ୍ଜୀବ ମହାନ୍ତି ଙ୍କ ନେତୃତ୍ୱରେ ଜିଲ୍ଲା ସମ୍ପାଦକ ସତ୍ୟଜିତ ମହାନ୍ତି, ଜିଲ୍ଲା ଯୁବ ସଭାପତି ଅଂଶୁମାନ ଶତପଥୀ, ଆପ୍ ପୌରପାଳିକା ସଭାପତି ଅନିଲ କୁମାର ସେନାପତି ,ଆପ୍ ପୌରପାଳିକା ଯୁବ ସଭାପତି ରାକେଶ ନନ୍ଦ , ପୁରୀ ପୌରପାଳିକା ଜୋନ ସଭାନେତ୍ରୀ ଜୟନ୍ତୀ ଜେନା , ପାର୍ବତୀ ପ୍ରଧାନ, ରୋଜାଲିନ ଜେନା ,ସମୀନା ସ୍ୱାଇଁ , ଶିଶିର ପାଢ଼ୀ , ସୁଧାଂଶୁ ଶେଖର , ସମୀର ସାମନ୍ତରାୟ, ଜନ୍ମଜୟ ପ୍ରଧାନ ,ବିରଜା ପ୍ରସାଦ ନାଥ ଏବଂ ରଶ୍ମି ରଞ୍ଜନ ରାଉତରାୟ ଆଦି ପ୍ରମୁଖ ସଦସ୍ୟ ଉପସ୍ଥିତ ଥିଲେ।