-
ବିଜେପି – ବିଜେଡ଼ି କର୍ମୀ ମୁହାଁମୁହିଁ
ବଲାଙ୍ଗିର, ବିଜେପିର ଲୋଇସିଂହା ବିଧାୟକ ମୁକେଶ ମହାଲିଙ୍ଗଙ୍କୁ ତାଙ୍କ ନିର୍ବାଚନ ମଣ୍ଡଳି ପୁଇଁତଳା ଭାଲେର ଛକରେ ବିଜେଡ଼ି କର୍ମୀ ମାନେ କଳା ପତାକା ପ୍ରଦର୍ଶନ କରିବାକୁ ନେଇ ସେଠାରେ ବିଜେପି – ବିଜେଡ଼ି କର୍ମୀ ଠେଲାପେଲା ହୋଇଛନ୍ତି । ବିଜେପି କର୍ମୀ ମାନେ ଏହାର ପ୍ରତିବାଦ କରିଥିଲେ । ଯାହାକୁ ନେଇ ସେଠାରେ ଉଭୟଙ୍କ ମଧ୍ୟରେ ଠେଲାପେଲା ଭଳି ସ୍ଥିତି ଉପୁଜିଥିଲା । ଭାଲେର-କୁରୁଲ ବ୍ରିଜ ର ଭିତିପ୍ରସ୍ତର ସ୍ଥାପନ ପାଇଁ ଆଜି ସକାଳେ ବିଧାୟକ ସେଠାକୁ ଯାଉଥିବା ବେଳେ ବାଟରେ ବିଜେପି ଓ ବିଜେଡ଼ି କର୍ମୀ ମୁହାଁମୁହିଁ ହୋଇଥିଲେ । ପୋଲ ନିର୍ମାଣ ପାଇଁ ନବୀନ ସରକାର ଅର୍ଥ ଯୋଗାଉଥିବା ବେଳେ ତୁମେ ଏଠାକୁ କାହିଁକି ଆସିଛ ବୋଲି ବିଜେଡ଼ି କର୍ମୀ ମାନେ ବିଧାୟକଙ୍କୁ ପ୍ରଶ୍ନ କରିଥିଲେ । ଫଳରେ ଉତେଜନାତ୍ମକ ପରିସ୍ଥିତି ସୃଷ୍ଟି ହୋଇଥିଲା ।
