ଭୁବନେଶ୍ବର, ମଙ୍ଗଳବାର ଦିନ ରାଜଧାନୀ ଭୁବନେଶ୍ବରେ ରେ ଘନ କୁହୁଡ଼ି ପରିଲକ୍ଷିତ ହୋଇଥିବା କାରଣରୁ ସକାଳୁ ସକାଳୁ ରାସ୍ତାରେ ଭିଜିବିଲିଟି ଅତ୍ୟନ୍ତ କମ ହୋଇଯାଇଥିଲା । ଅନ୍ୟ ପକ୍ଷରେ ଏହି ଘନ କୁହୁଡି କାରଣରୁ ବିମାନ ସେବା ଉପରେ ପ୍ରଭାବ ପଡିଥିବା ଦେଖିବାକୁ ମିଳିଛି ।
ଏହି ଘନ କୁହୁଡ଼ି ପାଇଁ ଭୁବନେଶ୍ବରର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ବିମାନ ଚଳାଚଳ ବିଲମ୍ବିତ ହୋଇଛି । ଭୁବନେଶ୍ବରରୁ ନୂଆଦିଲ୍ଲୀ, ମୁମ୍ବାଇ, କୋଲକାତା ଓ ବେଙ୍ଗାଲୁରୁ ଅଭିମୁଖେ ଯାତାୟତ କରୁଥିବା ବିମାନ ନିର୍ଧାରିତ ସମୟରେ ଉଡ଼ାଣ ଆରମ୍ଭ ନ କରି ପାରି ବିଳମ୍ବରେ ଯାତ୍ରା ଆରମ୍ଭ କରିଥିବା ଜଣା ପଡିଛି ।
