ବଲାଙ୍ଗୀର, କିଛି ଦିନ ଆଗରୁ ବୁଧୁ ସାହୁ ନାମକ ଜଣେ ୮୦ ବର୍ଷୀୟ ବୁଦ୍ଧଙ୍କୁ ଡୁଙ୍ଗୁରିପାଲି ଠାରୁ ବିଙ୍ଗ ହ୍ୟୁମାନ ର କର୍ମକର୍ତ୍ତା ମାନେ ବଲାଙ୍ଗୀର ଡାକ୍ତରଖାନାରେ ଭର୍ତି କରିଥିଲେ ଏବଂ ତାଙ୍କର ସେବା ଶୁଶ୍ରୁଶା କରୁଥିଲେ। ପରେ ଚିକିତ୍ସାଧିନ ଅବସ୍ଥାରେ ଗତକାଲି ତାଙ୍କର ଦେହାନ୍ତ ହୋଇଯାଇଥିଲା। ବୃଦ୍ଧ ଜଣକ ଡୁଙ୍ଗୁରିପାଲି ଅଞ୍ଚଳର ବୋଲି ଜଣାପଡିଥିଲା। ପରିବାର ଲୋକ ଶବ ନେବାପାଇଁ ମନା କରିବା ପରେ ସାମାଜିକ ଅନୁଷ୍ଠାନ ବିଙ୍ଗ ହ୍ୟୁମାନ ଫାଉଣ୍ଡେସନ ତରଫରୁ ସ୍ଥାନୀୟ ବିଭୁତି ପଡା ଶ୍ମଶାନରେ ମର୍ଯ୍ୟାଦାର ସହ ତାଙ୍କର ଶବ ସତ୍କାର କରାଯାଇଛି।
ଏହି ମହତ କାର୍ଯ୍ୟରେ ଅନୁଷ୍ଠାନର ସୋମନାଥ ମିଶ୍ର, କନ୍ଦର୍ପ ପଧାନ, ବିଶ୍ଵଜିତ ପଟେଲ, ରନ୍ଜତ ପଧାନ, ବୁଲୁ ମହାକୁର, ବୀରେନ୍ଦ୍ର ସାହୁ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।
