ବାରିପଦା, ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡରେ ୪୫ ଟିକିଆ ହାତୀପଲ । ଏହି ହାତୀ ପଲ ପୃଥକ୍ ପୃଥକ୍ ସ୍ଥାନରେ ରହିଛନ୍ତି । ବର୍ତମାନ ବଡ଼ସରେଇ ଜଙ୍ଗଲରେ ଏକ ୨୪ ଟିକିଆ ହାତୀପଲ ଅଛନ୍ତି । ଏହି ହାତୀପଲରେ ୬ଟି ଦନ୍ତା ହାତୀ ରହିଥିବା ବେଳେ ୫ଟି ଛୁଆ ହାତୀ ରହିଛନ୍ତି । ଗତକାଲି ବିଳମ୍ବିତ ରାତିରେ କେନ୍ଦୁଝର ଜିଲ୍ଲା ପାର୍ ହୋଇ ଆସିଛନ୍ତି ଏହି ୨୪ ଟିକିଆ ହାତୀପଲ ।
ସେହିପରି କାଦଡ଼ିହା ନିକଟ ଜଙ୍ଗଲରେ ୪ଟି ହାତୀ ଥିବା ବେଳେ ସାତକୋଶିଆ ରେଞ୍ଜ୍ ର ମହୁଲଡ଼ିହା ଜଙ୍ଗଲରେ ୧୭ ଟିକିଆ ହାତୀପଲ ରହିଥିବା ବନ ବିଭାଗ ସୂତ୍ରରୁ ସୂଚନା ମିଳିଛି । ହାତୀପଲଙ୍କ ଯୋଗୁଁ କରଞ୍ଜିଆ, ଶୁକୃଳି, ରରୁଆଁ, ଯଶୀପୁର ବ୍ଲକର ଶହେରୁ ଉର୍ଦ୍ଧ୍ଵ ଗ୍ରାମରେ ଭୟ ଓ ଆତଙ୍କର ବାତାବରଣ ଦେଖାଦେଇଛି । ବନ ବିଭାଗ ପକ୍ଷରୁ ହାତୀପଲଙ୍କୁ ଜଙ୍ଗଲ ଅଭିମୁଖେ ଘଉଡ଼ାଇବା ପାଇଁ ଉଦ୍ୟମ ଜାରୀ ରହିଛି ।
