କଟକ, ଯୋବ୍ରା ବ୍ୟାରେଜରେ ବୁଡ଼ି ଯୁବକଙ୍କ ମୃତ୍ୟୁ ଘଟିଛି । ମୃତକଙ୍କ ନାମ ସୋହେଲ ଖାନ । ତାଙ୍କ ଘର କଟକ ପୀର ବଜାର ଅଂଚଳରେ ବୋଲି ଜଣାପଡିଛି । ସେ ସାଲେପୁର କଲେଜରେ ଯୁକ୍ତ ୨ର ଛାତ୍ର ଥିଲେ ।
ଆଜି ସକାଳେ ସନ୍ତରଣ ଶିଖିବା ବେଳେ ସେ ପାଣିରେ ବୁଡି ନିଖୋଜ ହୋଇଯାଇଥିଲେ । ୨୦ରୁ ଅଧିକ ଯୁବକ ଯୁବତୀ ସନ୍ତରଣ ଶିଖୁଥିବା ବେଳେ ଏହି ଅଘଟଣ ଘଟିଥିଲା । ପରେ ଅଗ୍ନିଶମ କର୍ମଚାରୀ ତାଙ୍କ ମୃତଦେହ ନଦୀ ଜଳରୁ ଉଦ୍ଧାର କରିଛନ୍ତି । ଘଟଣାରେ ସନ୍ତରଣ ପ୍ରଶିକ୍ଷକଙ୍କୁ ଥାନାରେ ଅଟକ ରଖି ପଚରା ଉଚୁରା ଚଳାଇଛି ଜଗତପୁର ଥାନା ପୋଲିସ ।
