କଟକ,ଡ଼କାୟତି ପାଇଁ ମାରଣାସ୍ତ୍ରରେ ସ୍ଵାମୀକୁ ହତ୍ୟା କରାଯାଇଥିବା ବେଳେ ଡ଼କାୟତଙ୍କ ଆକ୍ରମଣରେ ସ୍ତ୍ରୀ ଗୁରୁତର ହୋଇଛନ୍ତି । ଗୁରୁତର ମହିଳାଙ୍କୁ କଟକ ବଡ ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି । କଟକ ଜିଲ୍ଲା ନେମାଳ ଥାନା ଅନ୍ତର୍ଗତ ଲେଣ୍ଡୁରା ଭଗବାନପୁର ଗ୍ରାମରେ ଗତକାଲି ବିଳମ୍ବିତ ରାତିରେ ଘଟିଛି ଏହି ଅଘଟଣ । ଦୁର୍ବୃତ ମାନେ ରାତିରେ ଆସି ପ୍ରଥମେ କବାଟ ବାଡେଇ ଥିଲେ । ଗୃହକର୍ତା କବାଟ ଖୋଲିବା ପରେ ଘରେ ପଶି ପରିବାର ସଦସ୍ୟଙ୍କୁ ଆକ୍ରମଣ କରିବା ସହ ଲୁଟ୍ପାଟ କରିଥିଲେ । ଘରେ ଥିବା ନାବାଳକ ନାତିକୁ ଗୋଟିଏ ଘରେ ବନ୍ଦ କରି ଦେଇଥିଲେ । ଡ଼କାୟତଙ୍କ ଆକ୍ରମଣରେ ସ୍ଵାମୀ ହୃଷୀକେଶ ମୁଦୁଲିଙ୍କ ମୃତ୍ୟୁ ଘଟିଥିବା ବେଳେ ସ୍ତ୍ରୀ କନକଲତା ମୁଦୁଲି ଗୁରୁତର ହୋଇଛନ୍ତି । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଛାନଭିନ୍ ଆରମ୍ଭ କରିଛି ।
