ବାଇକ ଲୁଟେରା ଗ୍ୟାଙ୍ଗ ଧରାପଡିଲା

ଭବାନୀପାଟଣା,  କଳାହାଣ୍ଡି ଜିଲ୍ଲା କେସିଙ୍ଗା ପୋଲିସ ଏକ ମୋଟର ସାଇକେଲ ଲୁଟେରା ଗ୍ୟାଙ୍ଗକୁ ଗିରଫ କରିବାରେ ସଫଳ ହୋଇଛି। ଗତ ରାତି ପ୍ରାୟ ୧୨ଟା ୨୨ ମିନିଟରୁ ୧ଟା ମଧ୍ୟରେ ପୋଲିସ ଇନ୍ସ୍ପେକଟର ମମତା ହେମରଣ ଅତିରିକ୍ତ ଆଇଆଇସି କେସିଙ୍ଗା ଏବଂ ଷ୍ଟାଫ ସହ ପେଟ୍ରୋଲିଙ୍ଗ କରିବା ସମୟରେ ବିଶେଷ ସୂଚନା ପାଇଥିଲେ କି ଆମଠା ଛକ ନିକଟସ୍ଥ ଶିବ ମନ୍ଦିର ବଲାଙ୍ଗୀର ଜିଲ୍ଲା ସୀମାନ୍ତ ଏରିଆ ଏନ.ଏଚ.-୨୬ରେ ଏକ ବାଇକ ଲୁଟେରା ଗ୍ୟାଙ୍ଗ ଥିବା ଜାଣିଥିଲେ ଏବଂ ଗିରଫ କରି ବାଇକ ଜବତ କରିଥିଲେ। କେସିଙ୍ଗା ପୋଲିସ କେସ ନଂ -୪୭୯/୮/୧୨/୨୦୨୨. ୟୁ/ଏସ୩୯୯/୪୦୨ ଆ.ପି.ସି. ଆର/ଡବ୍ଲୁ ଧାରା ଆର/ଡବ୍ଲୁ ୨୫(୧)(ଏ)/୨୭ଆର୍ମ ଆକ୍ଟ ଲାଗୁ କରି ତରଣୀ ସେନ ଭୋଇ (୨୫), ଗୁଣିମୁଣ୍ଡା ତୁଷୁରା ପୋଲିସ, କଦ୍ଧା ମାଝୀ (୨୩) କଣ୍ଟାମାଳ (ବୌଦ୍ଧ ଜିଲ୍ଲା ), ଦ୍ରୁବ ନାଗ (୨୫)ଚରଭାଟା, ଟିଟିଲାଗଡ଼ ପୋଲିସ ଅଧିନସ୍ଥ, ଏବଂ ପୁରୁଷୋତ୍ତମ ନାଏକ (୩୧) ଗ୍ରାମ ବିମଳା ଜୟପାଟଣା ପୋଲିସ ଅଟନ୍ତି ଓ ବିପିନ ଖରସେଲ (୨୮)ଥୁଆପାଦାର, ସଦର ଭବାନୀପାଟଣା ପୋଲିସ ଅଧିନସ୍ଥ ଅଟନ୍ତି। ଏମାନଙ୍କ ଠାରୁ ୩ଗୋଟି ମୋବାଇଲ ଫୋନ, ୧୯ଗୋଟି ମୋଟର ସାଇକେଲ ବିଭିନ୍ନ ଜିଲ୍ଲାରୁ ଜବତ ହୋଇଛି। ଏକ କେମେରା ଓ ପ୍ରିଣ୍ଟର ମେସିନ, ନଗଦ ୩000/-ଟଙ୍କା ମଧ୍ୟ ଜବତ କରିବା ସହ ଲୁହା ରଡ଼ ଖଣ୍ଡା ଇତ୍ୟାଦି ମାରଣାସ୍ତ୍ର ଜବତ କରିଥିବା ପ୍ରକାଶ। ଏମାନଙ୍କ ନାମରେ ବିଭିନ୍ନ ପୋଲିସ ଥାନାରେ ବୌଦ୍ଧ,ଏମ ରାମପୁର,ବଲାଙ୍ଗୀର ପୋଲିସ ଥାନାରେ କେସ ଥିବା ଜଣାଯାଏ। ପୋଲିସ ପକ୍ଷରୁ ଏନେଇ ଅଧିକ ତଦନ୍ତ ଜାରି ରହିଛି।