ବଲାଙ୍ଗିର, ବଲାଙ୍ଗିର ଜିଲ୍ଲା ସଦର ଥାନା ଅନ୍ତର୍ଗତ ରତନପୁର ଠାରେ ଏକ ସଡ଼କ ଦୁର୍ଘଟଣା ଘଟିଛି । ଟ୍ରକ୍ ଓ କାର ମୁହାଁମୁହିଁ ଧକ୍କା ହେବ ଫଳରେ ତିନି ଜଣ ଯୁବକ ଗୁରୁତର ଆହତ ହୋଇଛନ୍ତି । ଆହତ ମାନେ ହେଲେ ଦେବକୀ ନନ୍ଦନ ମିଶ୍ର, ଦୀପକ କୁମାର ସାହୁ ଓ ଦୀପକ କୁମାର ଦାସ ।
ସୂଚନା ଅନୁସାରେ, ଆଜି ଭୋର ସମୟରେ ସେମାନେ ଏକ ୱାଗ୍ନର କାରରେ ଜୟପୁରରୁ ବରଗଡ଼ ଅଭିମୁଖେ ଯାଉଥିଲେ । ବିବାହ ନିମନ୍ତ୍ରଣ ପତ୍ର ଦେବା ପାଇଁ ସେମାନେ ଯାତ୍ରା କରୁଥିଲେ । ଭୋର ୪ ଟା ବେଳକୁ ରତନପୁର ଛକ ନିକଟରେ ସାମ୍ନା ପଟୁ ଏକ ଟ୍ରକ୍ ଆସି କାର କୁ ଧକ୍କା ଦେଇଥିଲା। ଫଳରେ ତିନି ଜଣ ଯୁବକ ଗୁରୁତର ଭାବେ ଆହତ ହୋଇଥିଲେ । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ଭୀମ ଭୋଇ ମେଡିକାଲକୁ ଆଣିଥିଲେ । ସର୍ଜରୀ ୱାର୍ଡରେ ସେମାନଙ୍କୁ ଭର୍ତ୍ତି କରି ଚିକିତ୍ସା କରାଯାଉଥିବା ଜଣାପଡ଼ିଛି ।
