ବଲାଙ୍ଗିର,ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଆଜି ସକାଳୁ ଟିଟିଲାଗଡ଼ ରେଞ୍ଜର ଶିବପ୍ରସାଦ ନାୟକଙ୍କ ଚାରି ଗୋଟି ସ୍ଥାନରେ ଭିଜିଲାନ୍ସ ବିଭାଗ ପକ୍ଷରୁ ଏକକାଳୀନ ଚଢ଼ଉ ଚାଲିଥିବା ସୂଚନା ମିଳିଛି। ଶ୍ରୀ ନାୟକଙ୍କ ବଲାଙ୍ଗିର ସରସ୍ଵତୀ ନଗର ସ୍ଥିତ ବାସଭବନ, ଲୋଇସିଂହା ପାନେସରା ପୈତୃକ ବାସଭବନ, ଟିଟିଲାଗଡ଼ କାର୍ଯ୍ୟାଳୟ ଓ ବାସଭବନରେ ସୋନପୁର ଓ ସମ୍ବଲପୁରରୁ ଭିଜିଲାନ୍ସ ଦଳ ଆସି ଚଢଉ ଜାରି ରଖିଛନ୍ତି। ପୂର୍ବରୁ ତାଙ୍କ ନାମରେ ଭିଜିଲାନ୍ସ ମାମଲା ରହିଥିବା ଜଣାପଡ଼ିଛି।
