ନୂଆପଡା – ନୂଆପଡା ଜିଲ୍ଲା ଖଡିଆଳ ରାଣିମୁଣ୍ଡା ପଞ୍ଚାୟତର ସମାଡପଦର ଗ୍ରାମରେ ଗ୍ରାମବାସୀଙ୍କ ଉଦ୍ୟମରେ ସମାଡପଦର ମହୋସôବ-୨୦୧୯ ପାଳିତ ହୋଇଯାଇଛି । ଏହି ଅବସରରେ ଅନୁÂିତ ସାଂସ୍କୃତିକ ସଭାରେ ମୁଖ୍ୟ ଅତିଥି ଭାବରେ ପଶ୍ଚିମ ଓଡିଶା ବିକାଶ ପରିଷଦ ସଦସ୍ୟ ଲମ୍ବୋଦର ନିଆଲ ଯୋଗଦାନ କରି ପଶ୍ଚିମ ଓଡିଶା ବିକାଶ ପାଣ୍ଠିରୁ ସହାୟତା କରିବାକୁ ଗ୍ରାମବାସୀଙ୍କୁ ପ୍ରତିଶୃତି ଦେଇଥିଲେ । ସମ୍ମାନିତ ଅତିଥି ଭାବରେ ବିଜେଡି ମହିଳା ନେତ୍ରୀ ମମତା ମଞ୍ଜରୀ ଥପା, ମନବୋଧ ମାଝୀ, ଇଂ. ରଞ୍ଜିତା ପ୍ରିୟଦର୍ଶିନୀ ଓ ପ୍ରଦୀପ ଢିଣ୍ଡିଆ ପ୍ରମୁଖ ଯୋଗଦାନ କରି ସମାଡପଦର ଗ୍ରାମର ଅଭୂଲା ସ୍ମୃତିକୁ ମନେ ପକାଇଥିଲେ । ଏହି ଅବସରରେ ପୂର୍ବରୁ ଗ୍ରାମରେ ଥିବା ଦେବାଦେବୀଙ୍କୁ ପୂଜାର୍ଚ୍ଚନା ପରେ ଗ୍ରାମ ପରିକ୍ରମା କରାଯାଇ କାର୍ଯ୍ୟକ୍ରମ ଅନୁÂିତ ହୋଇଥିଲା । ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମରେ କଣ୍ଠଶିଳ୍ପୀ ସାଶ୍ୱତ ତ୍ରିପାଠୀ ଓ ରୁମକୁ ଝୁମାନା ଗ୍ରୃପ ଦ୍ୱାରା ସଙ୍ଗୀତ ଓ ନୃତ୍ୟ କାର୍ଯ୍ୟକ୍ରମ ଅନୁÂିତ ହୋଇଥିଲା । ଏଥିରେ ସମାଡପଦର ଗ୍ରାମବାସୀଙ୍କ ସମେତ ଆଖପାଖ ଗ୍ରାମ ମାନଙ୍କରୁ ଜନ ସମାଗମ ହୋଇଥିଲା । ଏଠାରେ ସୂଚନା ଯୋଗ୍ୟ ଯେ ଜିଲାର ଦୃଷ୍ଟି ଅଢୁଆଳରେ ରହିଥିବା ଏହି ସମାଡପଦର ଗ୍ରାମ ଦେଶ ସ୍ୱାଧିନତାର ୭୩ ପରେ ମଧ୍ୟ ଶିକ୍ଷା, ସ୍ୱାସ୍ଥ୍ୟ,ଗମନାଗମନ, ପାନୀୟ ଜଳ ଭଳି ପ୍ରମୁଖ ସମସ୍ୟାରେ ଜର୍ଜରିତ ହୋଇ ପଡିରହିଛି । ଏହି ଗ୍ରାମ ଜନବସତି ଠାରୁ ୧ ହଜାରରୁ ଅଧିକ ଫୁଟ ଘଂଚ ଜଙ୍ଗଲରେ ବସବାସ କରୁଥିବା ବେଳେ ଏହି ଗ୍ରାମକୁ ପ୍ରଶାସନିକ ଅଧରକାରୀଙ୍କ ପାଦ ପଡିନଥାଏ । ଫଳରେ ସବୁ କ୍ଷେତ୍ରରେ ଅବହେଳିତ ହୋଇ ପଡି ରହିଛି ଏହି ଗ୍ରାମ ।
