କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ ,ପୁରୀଜିଲ୍ଲା ଅସ୍ତରଙ୍ଗ କାକଟପୁର ରାସ୍ତାର ଜିଉନ୍ତି ଛକ ନିକଟରେ ଶନିବାର ସନ୍ଧ୍ୟାରେ ଦୁଇଟି ବାଇକ ମୁଁହା ମୁଁହଁ ହେବାଫଳରେ ବାବାଜୀ ସ୍ୱାଇଁ ନାମକ ଯୁବକଙ୍କର ଘଟଣା ସ୍ଥଳରେ ମୃତ୍ୟୁ ଘଟିଛି। ସାଥିରେ ଥିବା ପୂର୍ଣ୍ଣ ଚନ୍ଦ୍ର ପାତ୍ର ନାମକ ଯୁବକ ଗୁରୁତର ଆହତ ହୋଇଛନ୍ତି ।ଖବର ନେବାରେ ଜଣାପଡିଛି ଯେ ଶନିବାର ଅସ୍ତରଙ୍ଗ ସାପ୍ତାହିକ ହାଟ ଥିବାରୁ ସକାଳୁ ହାଟରେ ପରିବା ବିକ୍ରି କରି ସନ୍ଧ୍ୟାରେ ଟଙ୍କା ଆଦାୟ କରିବାକୁ ବେତେଣ୍ଡା ଗ୍ରାମର ବାବାଜୀ ସ୍ୱାଇଁ(୪୦)ଏବଂ ଗଡ ନିପାଣିଆ ଗ୍ରାମର ପୂର୍ଣ୍ଣ ଚନ୍ଦ୍ର ପାତ୍ର ଓଆର୦୨ଏପି୧୬୦୮ନମ୍ବର ଥିବା ଏକ ଗ୍ଲାମର ଗାଡିରେ ଅସ୍ତରଙ୍ଗ ଆସୁଥିବା ବେଳେ ଅସ୍ତରଙ୍ଗ ଜିଉନ୍ତି ଛକ ନିକଟରେ ଅସ୍ତରଙ୍ଗ ପଟୁ ଯାଉଥିବା ନୂଆଗଡ଼ ଗ୍ରାମର ଜୈନିକ ଯୁବକଙ୍କର ବାଇକ ସହିତ ଧକ୍କା ହୋଇଥିଲା । ଧକ୍କା ହେବାପରେ ସ୍ଥାନୀୟ ଲୋକମାନେ ଆହତଙ୍କୁ ତୁରନ୍ତ ଅସ୍ତରଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ। ଡାକ୍ତର ବାବାଜୀ ସ୍ୱାଇଁଙ୍କୁ ମୃତ ଘୋଷଣା କରିବା ସହିତ ଆହତଙ୍କୁ ଚିକିତ୍ସା କରିଥିଲେ। କିନ୍ତୁ ଦୁର୍ଘଟଣା ଘଟିବା ପରେ ଯୁବକ ଜଣକ ଘଟଣା ସ୍ଥଳରୁ ଫେରାର ହୋଇଯାଇଥିଲେ। ବିଶେଷ ସୂତ୍ରରୁ ଖବର ମିଳିଛି ଯେ ଦୁର୍ଘଟଣା ଘଟାଇଥିବା ଯୁବକ ଅସ୍ତରଙ୍ଗ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଆଣିଥିଲେ। କିନ୍ତୁ କାର୍ଯ୍ୟରତ ଥିବା ଡାକ୍ତର ତାଙ୍କୁ ପ୍ରାଥମିକ ଚିକିତ୍ସା କରିଥିଲେ।କିନ୍ତୁ ଚିକିତ୍ସା କରାଇବାକୁ ଆଣିଥିବା ଯୁବକଙ୍କ ସମ୍ପର୍କରେ ଡାକ୍ତର କୌଣସି ତଥ୍ୟ ରଖି ନ ଥିବା ଘଟଣା ଦୁର୍ଘଟଣାକୁ ଭିନ୍ନ ମୋଡ ଦେଉଥିବା ଜଣାପଡିଛି।ଯେହେତୁ ଏହା ଏକ ଦୁର୍ଘଟଣା ଜନିତ ମୃତ୍ୟୁ ଡାକ୍ତର କେଉଁ କାରଣରୁ ସଠିକି ତଥ୍ୟ ସଂଗ୍ରହ କରିଲେନି ତାହା ସାଧାରଣରେ ସନ୍ଦେହ ସୃଷ୍ଟି କରିଛି। ରିପୋର୍ଟ ଲେଖା ହେବା ପର୍ଯ୍ୟନ୍ତ କାକଟପୁର ଥାନାରେ କୌଣସି ମାମଲା ରୁଜ୍ଜୁ କରାଯାଇ ନଥିବା ଜଣାପଡିଛି।
