ବଲାଙ୍ଗୀର, ବଲାଙ୍ଗିର ସଦରଥାନା ଅନ୍ତର୍ଗତ ସଦେଇପାଲି ଛକ ଠାରେ ଗୋଟିଏ କାଠ ବୋଝେଇ ପିକ୍ଅପ୍ ଭ୍ଯାନ ଦୁର୍ଘଟଣାଗ୍ରସ୍ତ ହୋଇଥିବା ଦେଖିବାକୁ ମିଳିଛି । ଦୁର୍ଘଟଣାଗ୍ରସ୍ତ କାଠ ବୋଝେଇ ପିକ୍ଅପ୍ ଭ୍ଯାନଟିର ନଂ ଓଡି ୦୩ଜେ- ୬୮୫୦ ହୋଇଥିବା ବେଳେ ଭାରସାମ୍ୟ ହରାଇ ଗାଡିଟି ରାସ୍ତା କଡରେ ଥିବା ଗୋଟିଏ ନଳକୂପକୁ ଧକ୍କା ଦେବା ସହ ଏକ ଘରର କାନ୍ଥକୁ ଧକ୍କା ଦେଇଥିଲା । ଫଳରେ ଘରର କାନ୍ଥ ଭାଙ୍ଗିବା ସହ ନଳକୂପଟି ଉପାଡି ହୋଇଯାଇଥିବା ଦେଖିବାକୁ ମିଳିଛି । ଅନ୍ୟପଟେ ଗାଡି ଚାଳକ ଦୁର୍ଘଟଣା ପରେ ଘଟଣାସ୍ଥଳରୁ ଫେରାର୍ ମାରିଥିବା ବେଳେ ଗାଡିରେ ଥିବା କାଠକୁ ନେଇ ଏବେ ଅନେକ ପ୍ରକାରର ସନ୍ଦେହ ସୃଷ୍ଟି ହେଉଛି ।
ଏହି ଗାଡିଟି ଆଜି ଅପରାହ୍ନରେ ଗୋଟିଏ ବାଇକ କୁ ଧକ୍କା ଦେଇ ଫେରାର ହୋଇଯାଉଥିବା ବେଳେ ଏହି ଦୁର୍ଘଟଣା ଘଟିଛି।
