ନୂଆପଡା – ନୂଆପଡା ଜିଲ୍ଲା ଖଡିଆଳ ସ୍ଥିତ ରାଜା ଆର୍ତତ୍ରାଣ ହାଇସ୍କୁଲ ପରିସର ମଧ୍ୟରେ ୭୧ ତମ ଏନସିସି ଦିବସ ପାଳିତ ହୋଇଯାଇଛି । ହାଇସ୍କୁଲର ପ୍ରଧାନ ଶିକ୍ଷକ ନକୁଳ ଶବର ପତାକା ଉତୋଳନ କରି କ୍ୟାଡେଟ ମାନେ ଦେଶ ଓ ଜାତି ସେବାରେ ନିଜକୁ ଉତ୍ସର୍ଗ କରିବା ପାଇଁ ଆହ୍ୱାନ ଦେଇଥିଲେ । ଚିଫ ଅଫିସର ଅକ୍ଷୟ କୁମାର ରଥ କ୍ୟାଡେଟ ମାନଙ୍କୁ ଜାତୀୟ ସଂହତି ଓ ଯୌତୁକ ବିରୋଧି ଶପଥ ପାଠ କରାଇଥିଲେ । ଶ୍ରୀ ରଥଙ୍କ ତତ୍ୱାବଧାନରେ କ୍ୟାଡେଟ ମାନେ ସହର ପରିକ୍ରମା କରିଥିଲେ । ଏହି ଅବସରରେ କ୍ୟାଡେଟ ମାନଙ୍କ ମଧ୍ୟରେ ବକ୍ତୃତା, କୁଇଜ ଓ ସଙ୍ଗୀତ ଗାନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ବିଜୟୀ କ୍ୟାଡେଟ ମାନଙ୍କୁ ମୁଖ୍ୟଅତିଥି ପୁରସ୍କାର ପ୍ରଦାନ କରିଥିଲେ । ପରେ ବିଦ୍ୟାଳୟ ପରିସରକୁ ସଫାସୁତୁରା ସହ ଚାରା ରୋପଣ କରାଯାଇଥିଲା । ଏଥିରେ ଶତାଧିକ କ୍ୟାଡେଟ ସାମିଲ ଥିଲେ ।
