-
ଦିବ୍ୟଶକ୍ତି ଓ ରେଫରୀ ଭବଶଂକର ସମ୍ବର୍ଦ୍ଧିତ
ପୁରୀ ,ଟେବୁଲ୍ ଟେନିସ ରେ ଭାରତବର୍ଷର ସୁନାମ ଆଣିବା ପାଇଁ ଖେଳାଳୀମାନେ ପ୍ରତିଯୋଗିତା ଭାଵାପନ୍ନ ହେବାପାଇଁ ଆହ୍ୱାନ ଦେଇଛନ୍ତି ଗେଲ୍ ଇଣ୍ଡିଆ ଲିମିଟେଡ ର ଜେନେରାଲ ମ୍ୟାନେଜର ତଥା ବିଶିଷ୍ଟ ଖେଳାଳୀ କେଭିଏସ୍ ପ୍ରସାଦ। ପୁରୀ ଜିଲ୍ଲା ଟେବୁଲ୍ ଟେନିସ ଆସୋସିଏସନ୍ ପକ୍ଷରୁ ବାଲିଗୁଆଳି ର ସୁଦର୍ଶନ ମେମୋରିଆଲ ହଲରେ ଦୁଇଦିନ ବ୍ୟାପୀ ଅନୁଷ୍ଠିତ ପ୍ରତିଯୋଗିତା ର ଉଦଯାପନ ଉତ୍ସବରେ ଯୋଗଦେଇ, ଶ୍ରୀପ୍ରସାଦ ନୂତନ ଖେଳାଳୀ ସୃଷ୍ଟି ପାଇଁ ପରିବାର ର ମୁଖିଆମାନେ ଅଧିକ ରୁ ଅଧିକ ଯତ୍ନବାନ ହେବାକୁ ପରାମର୍ଶ ଦେଇଥିଲେ।
ଆସୋସିଏସନ୍ ର ସଂପାଦକ ଡଃ ବିମଳପ୍ରସାଦ ମହାନ୍ତିଙ୍କ ପରିଚାଳନା ରେ ଅନୁଷ୍ଠିତ ପ୍ରତିଯୋଗିତାରେ ଅନ୍ୟତମ ଅତିଥି ଭାବେ କ୍ରୀଡ଼ା ସଂଗଠକ ବଦ୍ରି ମିଶ୍ର ଓ ଆନ୍ତର୍ଜାତିକ ବାଲୁକା ଶିଳ୍ପୀ ସୁଦାମ ପ୍ରଧାନ ଯୋଗଦେଇ କୃତୀ ପ୍ରତିଯୋଗୀମାନଙ୍କୁ ପୁରସ୍କାର ପ୍ରଦାନ କରିଥିଲେ।ଏହି ଅବସରରେ ବିଶିଷ୍ଟ ଟେବୁଲ୍ ଟେନିସ ଖେଳାଳୀ କେଭିଏସ ପ୍ରସାଦ,ରେଫରୀ ଭବଶଂକର ଦାସ, ଦିଵ୍ୟଶକ୍ତି ମହାନ୍ତି, ବିଶ୍ଵଜିତ ମହାନ୍ତି ଓ ଜିଜ୍ଞାସୁ ସାଇକିରନ ପ୍ରଧାନଙ୍କୁ ସମ୍ବର୍ଦ୍ଧିତ କରାଯାଇଥିଵା ବେଳେ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା।ଏହି ପ୍ରତିଯୋଗିତାକୁ ଶ୍ୟାମଲ କୁଣ୍ଡୁ, ବିବେକାନନ୍ଦ ପ୍ରଧାନ, ଅଭିଜିତ ମହାନ୍ତି ପରିଚାଳନା କରିଥିଲେ। ଡାକ୍ତର କୁମାର ଅରୋଜ୍ୟୋତି କାର୍ଯ୍ୟକ୍ରମ ସଂଯୋଜନା କରିଥିଲେ ।
