ଗଞ୍ଜାମ,ଅଜଣା ଗାଡ଼ି ଧକ୍କାରେ ଏକ କୃଷ୍ଣସାର ମୃଗର ମୃତ୍ୟୁ ଘଟିଛି । ଗଞ୍ଜାମ ଜିଲ୍ଲା ଦିଗପହଣ୍ଡି – ଶେରଗଡ଼ ମୁଖ୍ୟ ରାସ୍ତାର ସାନଖେମୁଣ୍ଡି ବ୍ଲକ ଭାଲିଆଝୋଳା ନିକଟରେ ଏହି ଅଘଟଣ ଘଟିଛି । ଖବର ପାଇ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଂଚି ଏହି କୃଷ୍ଣସାର ମୃଗର ମୃତଦେହ ଜବତ କରିଛନ୍ତି । ଏହି ସ୍ଥାନ ବିରଳ କୃଷ୍ଣସାର ମୃଗଙ୍କ ବିଚରଣ ସ୍ଥଳ ହୋଇଥିବାରୁ ବାରମ୍ବାର ଦୁର୍ଘଟଣାରେ ସେମାନଙ୍କ ଜୀବନ ଯାଉଛି । ଏ ଦିଗରେ ବନ ବିଭାଗ ପକ୍ଷରୁ ବ୍ୟାପକ ସଚେତନତାର ଆବଶ୍ୟକତା ରହିଛି ବୋଲି ଅଂଚଳବାସୀ ଦାବି କରିଛନ୍ତି ।
