ପୁରୀ ,ଓଡିଶା କଂଗ୍ରେସ ତରଫରୁ ଗୁଜରାଟ ନିର୍ବାଚନରେ କଂଗ୍ରେସ ସରକାର କରିବାକୁ ଯୋଜନା କରୁଛି | ସେଥିପାଇଁ ପୁରା ଭାରତର ସମସ୍ତ ଜାଗାରୁ କିଛି କିଛି ବଛା ବଛା ବ୍ୟକ୍ତି ବିଶେଷଙ୍କୁ ଗୁଜରାଟ ନିର୍ବାଚନ ପ୍ରଚାର ଦାଇତ୍ୱ ମିଳିଛି | ଗୁଜରାଟ ର ଅମରେଲି ବିଧାନ ସଭା ନିମନ୍ତେ ଗୁଜରାଟ କଂଗ୍ରେସ ବିରୋଧି ଦଳ ନେତା ପରେଶ ଧନାନି ଙ୍କ ପାଇଁ ଓଡିଶା ପୁରୀରୁ ଏକ ଟିମ ପ୍ରଚାର ପାଇଁ ପହଞ୍ଚିଛି | ଏହି ଟିମରେ ପୁରୀ ଜ଼ିଲ୍ଲା ଯୁବ କଂଗ୍ରେସ ନେତା ଆଲୋକ କୁମାର ଦାଶ ଙ୍କ ନେତୃତ୍ୱରେ ୪ଜଣ ପ୍ରଚାର ନିମନ୍ତେ ଯାଇଛନ୍ତି | ସେଇଭଳି ସୁରଟ ରେ ଓଡ଼ିଆ କମ୍ୟୁନିଟି ଭୋଟ କୁ କଂଗ୍ରେସ ତରଫଙ୍କୁ ସାମିଲ ପାଇଁ କଂଗ୍ରେସ ର ବ୍ରହ୍ମପୁର ସାନ-ଖେମୁଣ୍ଡି ବିଧାୟକ ରମେଶ ଜେନା ଯାଇ ପ୍ରଚାର କରୁଥିବାର ଦେଖିବାକୁ ମିଳିଛି |
ଗୁଜରାଟ ରେ ବିଜେପି ଓ କଂଗ୍ରେସ ଭିତରେ ଜୋରଦାର ଲଢେଇ ହଉଥିବା ବେଳେ ପୁରୀରୁ କଂଗ୍ରେସ ର ଯୁବନେତା ଆଲୋକ କୁମାର ଦାଶ ଙ୍କ ନେତୃତ୍ୱରେ ବସ୍ତି ନେତା ମନୋଜ ମଣ୍ଡଳ, ପୁରୀ ସଦର ଯୁବ କଂଗ୍ରେସ ନେତା ଆଦିତ୍ୟ ସାମନ୍ତରାୟ ଓ ଛାତ୍ର କଂଗ୍ରେସ ପୁରୀ ବିଧାନସଭା ସଭାପତି ଅଗସ୍ତିନ ଜୋସେଫ ଗୁଜରାଟ ଅମରେଲି ବିଧାନସଭା ରେ ଦିନ ରାତି ବୁଲି ବୁଲି ପ୍ରଚାର କରିବା ସହିତ ସଭା ସମ୍ମିଳନୀ କରୁଥିବା ଦେଖିବାକୁ ମିଳିଛି | ପୁରୀ ଜ଼ିଲ୍ଲା ଯୁବ କଂଗ୍ରେସ ନେତା ଆଲୋକ କହିଛନ୍ତି ଆଗାମୀ ଦିନରେ ଗୁଜରାଟ ନିର୍ବାଚନ ଓ ହିମାଞ୍ଚଳରେ କଂଗ୍ରେସ ସରକାର କରିବାକୁ ଯାଉଛି | ଗୁଜରାଟ ନିର୍ବାଚନ ପରେ ପୁରୀର ବିଭିନ୍ନ ସମସ୍ୟା କୁ ନେଇ ଲଢେଇ ହେବ ଏବଂ ପୁରୀରେ କଂଗ୍ରେସ ନିଜ ସିଟକୁ ଅଧୀନରେ ନେବା ପାଇଁ ଗୁଜରାଟ ର କଂଗ୍ରେସ ଯୋଜନା ମୁତାବକ କଂଗ୍ରେସ ବିଚାରଧାରା ନେଇ ଆଗାମୀ ଦିନରେ ଲଢେଇ କରି ପୁରୀରେ କଂଗ୍ରେସ ସରକାରକୁ ଫେରେଇ ଆଣିବା ପାଇଁ ପ୍ରଚେଷ୍ଟା କରିବ |
