ପୁରୀ, ୨୦୨୩ ମସିହା ପାଇଁ ନୂତନ ଓ ତୃଟିଶୂନ୍ୟ ଭୋଟର ତାଲିକା ପ୍ରସ୍ତୁତ କାର୍ଯ୍ୟକ୍ରମର ଅଂଶ ବିଶେଷ ସ୍ଵତନ୍ତ୍ର ଅଭିଯାନ ଦିବସ ଆଜି ଆୟୋଜିତ ହୋଇଥିଲା। ବୋର୍ଡ ଅଫ ରେଭିନ୍ୟୁର ସଚିବ ତଥା ପୁରୀ ଜିଲ୍ଲା ପାଇଁ ନିଯୁକ୍ତ ରୋଲ ଅବଜରଭର ଡଃ. ବିଜୟ କେତନ ଉପାଧ୍ୟାୟ ପୁରୀ ପୌରପାଳିକା ତଥା ପୁରୀ ସଦର ବ୍ଲକ ର ବିଭିନ୍ନ ବୁଥ ପରିଦର୍ଶନ କରିଥିଲେ। ବୁଥ ମାନଙ୍କରେ ବିଏଲଓ, ସୁପରଭାଇଜର ଓ ଅନ୍ୟାନ୍ୟ ଅଧିକାରୀ ମାନଙ୍କ ସହ ଡଃ. ଉପାଧ୍ୟାୟ ଭୋଟର ତାଲିକା ସଂଶୋଧନ ସମ୍ପର୍କରେ ଆଲୋଚନା କରିଥିଲେ।
ଏହି ପରିଦର୍ଶନ ସମୟରେ ଅତିରିକ୍ତ ଜିଲ୍ଲାପାଳ ପ୍ରଶାସନ ପ୍ରଦୀପ କୁମାର ସାହୁ, ଉପଜିଲ୍ଲାପାଳ ଭବତାରଣ ସାହୁ, ଡେପୁଟି କଲେକ୍ଟର ନିର୍ବାଚନ ଜିତେନ୍ଦ୍ର ପାତ୍ର, ପୁରୀ ବିଡ଼ିଓ ସମ୍ବିତ କୁମାର ଶତପଥୀ, ପୁରୀ ତହସିଲଦାର କ୍ଷିରୋଦ କୁମାର ବେହେରା, ସହକାରୀ ଜିଲ୍ଲାପାଳ ରାଜବଲ୍ଲଭ ନାୟକ, ନିର୍ବାଚନ ବିଭାଗ ଓ ଉପଜିଲ୍ଲାପାଳଙ୍କ କାର୍ଯ୍ୟାଳୟର ସମସ୍ତ କର୍ମଚାରୀ ଭୋଟର ତାଲିକା ସଂଶୋଧନ କାର୍ଯ୍ୟକ୍ରମରେ ସହଯୋଗ କରିଥିଲେ। ଜିଲ୍ଲାର ସମସ୍ତ ୧୫୯୩ ବୁଥରେ ଆଜି ସ୍ଵତନ୍ତ୍ର ଅଭିଯାନ ଦିବସ ପାଳିତ ହୋଇଥିଲା।
