ପଟ୍ଟାମୁଣ୍ଡାଇ, ବାଇପାସ୍ ରୋଡ଼ କଖାରୁଣି ଦେଇ ବସ୍ ଚଳାଚଳ ଦାବିରେ ମଦନପୁର ନିକଟରେ ରାସ୍ତାରୋକ କରିଛନ୍ତି ଲୋକେ । ଫଳରେ ରାସ୍ତାର ଉଭୟ ପାର୍ଶ୍ଵରେ ଅଟକି ରହିଛି ଶତାଧିକ ଗାଡ଼ି । ଆଜି ସକାଳ ୬ଟା ଠାରୁ ପ୍ରାୟ ୪ ଘଂଟା ଧରି ସମ୍ପୃକ୍ତ ରୁଟ୍ ରେ ଯାତାୟାତ ବାଧାପାପ୍ତ ହୋଇଛି ।
ସୂଚନାଯୋଗ୍ୟ, ପଟ୍ଟାମୁଣ୍ଡାଇ – ରାଜନଗର ଉଭୟ ଉପର ଓ ତଳ ରାସ୍ତା ଦେଇ ବସ୍ ଚଳାଚଳ ପାଇଁ ନିର୍ଦ୍ଦିଷ୍ଟ ବସ୍ ମାନଙ୍କୁ ପରିମିଟ୍ ମିଳିଛି, ମାତ୍ର ସମସ୍ତ ବସ୍ ଉପର ପଟ ରାସ୍ତା ଦେଇ ଯାଉ ବୋଲି ଦୁଇ ଦିନ ତଳେ ଲୋକେ ଦାବି କରିଥିଲେ । ଯାହାକୁ ବିରୋଧ କରି ଆଜି ଏହି ରାସ୍ତାରୋକ କରାଯାଇଛି । ଆନ୍ଦୋଳନକାରୀଙ୍କ କହିବା କଥା, ଉଭୟ ତଳ ଓ ଉପର ରାସ୍ତାରେ ବସ୍ ଚଳାଚଳ କଲେ ସମସ୍ତ ଯାତ୍ରୀଙ୍କ ପାଇଁ ସୁବିଧା ହେବ ।
