ମାଲକାନଗିରି,ମାଲକାନଗିରି ଜିଲା ପୋଲିସ ଓ ସୀମା ସୁରକ୍ଷା ବାହିନୀ ଦ୍ବାରା ବିପୁଳ ପରିମାଣର ମାଓବାଦୀ ସାମଗ୍ରୀ ଜବତ ହୋଇଛି । ଏନେଇ ମାଲକାନଗିରି ଜିଲ୍ଲା ଆରକ୍ଷୀ ଅଧିକ୍ଷକ ଆଜି ଏକ ପ୍ରେସ୍ ବିଜ୍ଞପ୍ତି ଜରିଆରେ ସୂଚନା ଦେଇଛନ୍ତି!ବିଶେଷ ସୂତ୍ରରୁ ଖବର ପାଇ ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ଆନ୍ଧ୍ର – ଓଡ଼ିଶା ସୀମାନ୍ତ ଜୋଡାମ୍ବ ଥାନା ଅନ୍ତର୍ଗତ ଧାକଡ଼ପଦର ଗ୍ରାମ ନିକଟ ଜଙ୍ଗଲରେ ମାଓବାଦୀ ମାନେ ବିସ୍ଫୋରକ ସାମଗ୍ରୀ ଲୁଚାଇ ରଖିଥିବା ଜାଣି ଉକ୍ତ ଅଞ୍ଚଳରେ କମ୍ବି ଅପରେଶନ କରିଥିଲେ । ଏବଂ ଗତକାଲି ସନ୍ଧ୍ୟାରେ ଏକ ଗାତରେ ମାଓବାଦୀ ସାମଗ୍ରୀ ଥିବା ଜାଣି ଜବତ କରିଥିଲେ । ଜବତ ହୋଇଥିବା ସାମଗ୍ରୀଗୁଡ଼ିକ ମଧ୍ୟରୁ ଏସ୍.ଏମ୍.ବି.ଏଲ୍ . ଗନ୍ ଗୋଟିଏ , ରାଇଫଲ ମାଉଣ୍ଟ ଟେଲିସ୍କୋପ୍ ଗୋଟିଏ , କାଉଣ୍ଟି ପିସ୍ତଲ ଗୋଟିଏ , ୭ କେଜି ଟିଫିନ୍ ଆଇଡି ୩ଟି , ୩ କେଜିର ଟିଫିନ୍ ଆଇଡି ୩ଟି , ୨ କେଜିର ଟିଫିନ୍ ଆଇଡି ୩ । ଅଢେଇ କେଜି ଟିଫିନ୍ ଆଇଡି , ଗୋଟିଏ ଲୁହା ପାଇପ୍ , ହ୍ୟାଣ୍ଡ ଗ୍ରେନେଡ୍ ଦୁଇଟି , ଡିଟୋନେଟର , ୩୩ଟି ସାଲାଇନ ବୋତଲ ଆଦି ସାମଗ୍ରୀ ଜବତ କରାଯାଇଥିବା ସୂଚନା ଦେଇଛନ୍ତି ।
