ମାଲକାନଗିରି,ମାଲକାନଗିରି ଜିଲ୍ଲା ସଦର ମହକୁମା ନିକଟସ୍ଥ ସୁକୁମା ରାସ୍ତା ହରଗୌରୀ ମନ୍ଦିର ପାହାଡ଼ ତଳୁ ନବଜାତ ଶିଶୁର ମୃତଦେହ ଉଦ୍ଧାର। ସୋମବାର ସକାଳେ କେନାଲ ରାସ୍ତାରେ କିଛି ଲୋକ ଯାଉଥିବା ବେଳେ ହରଗୌରୀ ମନ୍ଦିର ପାହାଡ଼ ତଳେ ଏକ ନବଜାତ ଶିଶୁର ମୃତଦେହ ପରିତ୍ୟକ୍ତ ଅବସ୍ଥାରେ ପଡିଥିବା ଦେଖିଥିଲେ। ଏନେଇ ପୋଲିସକୁ ଖବର ଦେଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶିଶୁଟିର ମୃତଦେହ ଉଦ୍ଧାର କରିଛି।
ଶିଶୁଟିକୁ ଦେଖିଲେ ତାହା ସକାଳେ ଜନ୍ମ ହୋଇଥିବା ଜଣା ପଡୁଛି। କୌଣସି ଅବାଞ୍ଛିତ ଗର୍ଭପାତ କିମ୍ଵା କୁମାରୀ ମାତୃତ୍ଵ ହୋଇଥିବା ଅନୁମାନ କରାଯାଉଛି। ଘଟଣା ସ୍ଥଳରେ ପୋଲିସ ଓ ଚାଇଲ୍ଡ ଲାଇନ ସଦସ୍ୟ ପହଁଚି ପ୍ରାଥମିକ ତଦନ୍ତ ଆରମ୍ଭ କରିଛନ୍ତି ।
