ପୁରୀ ,ଶିଶୁ ସମାଚାର ପକ୍ଷରୁ ବିଶ୍ୱ ଶିଶୁ ଅଧିକାର ଦିବସ ସୁଖଲତା ବାଳିକା ବିଦ୍ୟାଳୟ ରେ ପାଳିତ ହୋଇଯାଇଛି |ଏଥିରେ ଶରତ କୁମାର ରାୟଗୁରୁ ସଭାପତିତ୍ୱ କରିଥିଲେ | ଶିଶୁ ସମାଚାର ର ସମ୍ପାଦକ ସୁକାନ୍ତ ପଣ୍ଡା ଅତିଥି ମାନଙ୍କୁ ସ୍ୱାଗତ କରି ଉପ ଢୌକନ ଦେଇ ସମ୍ବର୍ଦ୍ଧିତ କରିଥିଲେ |ପୁରୀର ଉପ ଜିଲ୍ଲାପାଳ ଭବ ତାରଣ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଶିଶୁ ସମାଚାର ଶିଶୁ ମାନଙ୍କ ଅଧିକାର ସମ୍ପର୍କିତ ଆଲୋଚନା କରି ସେମାନଙ୍କ ଅନ୍ତର୍ନିହିତ ପ୍ରତିଭା କୁ ବିକାଶ କରୁଥିବାରୁ ପ୍ରଂଶସା କରିବା ସହ ଶିଶୁ ମାନେ ସମାଜ ର ମୁଖ୍ୟ ସ୍ରୋତ ରେ ସାମିଲ ପାଇଁ ଆଗେଇ ଆସିବାକୁ ପରାମର୍ଶ ଦେଇଥିଲେ |ମୁଖ୍ୟ ବକ୍ତା ଜିଲ୍ଲା ଶିଶୁ ସୁରକ୍ଷା ଅଧିକାରୀ ମନୋଜ ତ୍ରିପାଠୀ ଶିଶୁ ଅଧିକାର ର ସମସ୍ତ ଦିଗ ଓ ଆଇନି ସମ୍ପର୍କ ରେ ଶିଶୁ ଙ୍କୁ ଅବଗତ କରାଇଥିଲେ |ଅନ୍ୟତମ ଅତିଥି ମଣ୍ଡଳ ସାଧନ କେନ୍ଦ୍ର ସଂଯୋଜକ ପୂର୍ଣ୍ଣ ଚନ୍ଦ୍ର ସାହୁ ଓ ବିଦ୍ୟାଳୟ ର ପ୍ରଧାନ ଶିକ୍ଷକ ପ୍ରମୋଦ କୁମାର କର ଓ ଶିଶୁ ପ୍ରତିଭା ଆସ୍ତା ରଥ ଅଧିକାର ସହ କର୍ତ୍ତବ୍ୟ ସମ୍ପର୍କ ରେ ସୂଚନା ଦେଇଥିଲେ |ବକ୍ତୃତା ରେ ଜାଭିଆର ସ୍କୁଲ ର ଆସ୍ତା ରଥ ପ୍ରଥମ,ଆଦର୍ଶ ବିଦ୍ୟାଳୟ ସତ୍ୟବାଦୀ ର ସୁଶ୍ରୀ ସିମରଣ ମହାପାତ୍ର ଦ୍ୱିତୀୟ କାଳିକା ବିଦ୍ୟାପୀଠ ର ଶୁଭଶ୍ରୀ ମଲିକ ତୃତୀୟ ଙ୍କୁ ମୁଖ୍ୟ ଅତିଥି ଶ୍ରୀ ସାହୁ ମାନପତ୍ର ଓ ସ୍ମାରକୀ ପ୍ରଦାନ କରିଥିଲେ |ରାଜ୍ୟ ସ୍ତରୀୟ ଶିଶୁ ସୁରଭି ରେ ଭାଗ ନେଇ ପୁରସ୍କୃତ ହୋଇଥିବା ଛାୟା ବିଧାନ ସଭା ରେ ବିରୋଧୀ ଦଳ ନେତା ଭାବେ ଅଭିନୟ କରିଥିବା ରୋଜାଲିନ ରାଉତ ଙ୍କୁ ସମ୍ମାନିତ କରାଯାଇଥିଲା |ଧନ୍ୟବାଦ ଦେଇଥିଲେ ଅନୁଷ୍ଠାନ ର ଅନ୍ୟତମ ସଦସ୍ୟା ରଶ୍ମି ରେଖା ସାମନ୍ତରାୟ |ଏଥିରେ ହାପିନେସ ଫାଉଣ୍ଡେସନ ସଦସ୍ୟ ଓ ସଦସ୍ୟା ଙ୍କ ସମେତ ସ୍ୱାଧୀନ ପଣ୍ଡା, ଉମେଶ ଦାସ, ଦୀପ୍ତି ମିଶ୍ର ସହଯୋଗ କରିଥିଲେ |
