ମହାପ୍ରଭୁଙ୍କ ଗର୍ଭଗୃହ ଫଟୋ ସୋସିଆଲ ମିଡିଆରେ ଭାଇରଲ

• ସମ୍ପୃକ୍ତ ଯୁବକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବୀ

କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ ,ମହାପ୍ରଭୁ ଶ୍ରୀଜଗନ୍ନାଥ ଙ୍କ ଗର୍ଭଗୃହ ରତ୍ନବେଦୀ ଫଟୋ ଭାଇରଲ ହୋଇଛି |ମହାପ୍ରଭୁ ଙ୍କ ଅବକାଶ ସମୟର ଫଟୋ face book ରେ ଭାଇରାଲ କରିଛନ୍ତି ମିର୍ଜା ଜଙ୍ଗଲ, ନିମ୍ବାରକ ଗୀତା ଷ୍ଟଡି ସେଣ୍ଟରର ଆକାଶ ଚୌଧୁରୀ ନାମକ ବ୍ୟକ୍ତି ।ସମ୍ପୂକ୍ତ ଯୁବକ ଜଣକ କିଛିଦିନ ତଳେ ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ ବେଳେ ଫୋଟୋ ଉଠାଇଥିବା ସନ୍ଦେହ କରାଯାଇଛି |ଏ ସମ୍ପର୍କୀୟ ଖବର ଶନିବାର ରାତିରେ ପାଇବା ପରେ ଶ୍ରୀଜଗନ୍ନାଥ ମନ୍ଦିର ପ୍ରଶାସନ ସୁରକ୍ଷା ପ୍ରଶାସକ ପି.ଚନ୍ଦ୍ରଶେଖର ରାଓ ଏକ ଲିଖିତ ଅଭିଯୋଗ ସିଂହଦ୍ୱାର ଥାନାରେ କରାଯିବା ସହିତ ଆଇନ ଅନୁସାରେ ଦୋଷୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଉଲ୍ଲେଖ କରାଯାଇଛି |

ଶ୍ରୀଜଗନ୍ନାଥ ମନ୍ଦିର ନିୟମ ଅନୁସାରେ ଶ୍ରୀମନ୍ଦିର ଭିତରକୁ ମୋବାଇଲ କିମ୍ବା କୌଣସି କ୍ୟାମେରା ପ୍ରବେଶ ଅନୁମତି ନ ଥିବାବେଳେ ସମ୍ପୃକ୍ତ ଯୁବକ ମହାପ୍ରଭୁ ଶ୍ରୀଜଗନ୍ନାଥ ଙ୍କ ଅବକାଶ ସମୟରେ ଗର୍ଭଗୃହ ରତ୍ନବେଦୀ ଫଟୋ ଉଠାଇଥିଵା ସନ୍ଦେହ କରାଯାଇଛି | ଫୋଟୋ ଉଠାଇଵା ପରେ ନିଜ ଫେସବୁକ ଆକାଉଣ୍ଟରେ ବଙ୍ଗାଳି ଭାଷାରେ ଲେଖି ସମ୍ପୃକ୍ତ ପୋଷ୍ଟ କରିଛନ୍ତି |ଶ୍ରୀମନ୍ଦିର ପ୍ରଶାସନ ବିନା ଅନୁମତି କିମ୍ବା ମହାପ୍ରଭୁ ଙ୍କ ଫଟୋ ଉତ୍ତୋଳନ କରିବା ଏକ ଦଣ୍ଡନୀୟ ଅପରାଧ ବୋଲି ଉକ୍ତ ଅଭିଯୋଗ ପତ୍ରରେ ଉଲ୍ଲେଖ କରାଯାଇଛି |

ଏଥିସହିତ ଘଟଣାଟିକୁ ଏକାଦଶୀ ସେବକ ସଂଘ ଓ ଶ୍ରୀମନ୍ଦିର ଯୁବ ସେବାୟତ ନିନ୍ଦା କରିବା ସହିତ ଜିଲ୍ଲାପାଳ ଓ ଶ୍ରୀମନ୍ଦିର କମାଣ୍ଡର ମାଧ୍ୟମ ରେ ମୁଖ୍ୟ ପ୍ରଶାସକ ଙ୍କୁ କାର୍ଯ୍ୟାନୁଷ୍ଠାନ ଦାବି ପାଇଁ ଜଣାଇଛନ୍ତି |