ଭୁବନେଶ୍ୱର,ଅର୍ଚ୍ଚନା ନାଗ ମାମଲାରେ ଇଡିରେ ହାଜର ହୋଇନାହାନ୍ତି ସିନେ ପ୍ରଯୋଜକ ଅକ୍ଷୟ ପରିଜା । ତାଙ୍କ ଓକିଲ ଆକାଶ ଭୂୟାଁ ଇଡି କାର୍ଯ୍ୟାଳୟରେ ହାଜର ହୋଇ ସ୍ୱାସ୍ଥ୍ୟଗତ କାରଣରୁ ଅକ୍ଷୟ ପରିଜା ବ୍ୟକ୍ତିଗତ ଭାବେ ହାଜର ହୋଇପାରିନଥିବା ଜଣାଇଛନ୍ତି । ଇଡି ଅଫିସରୁ ବାହାରିବା ପରେ ଅକ୍ଷୟ ପରିଜାଙ୍କ ଓକିଲ କହିଛନ୍ତି ଅସୁସ୍ଥତା ପାଇଁ ଅକ୍ଷୟ ପରିଜା ଆଜି ହାଜର ହୋଇ ପାରି ନାହାନ୍ତି ।କାଲି ବ୍ୟାଙ୍କକରୁୁ ଫେରିଛନ୍ତି, ଥଣ୍ଡାକାଶରେ ଆକ୍ରାନ୍ତ ହୋଇଛନ୍ତି । ସ୍ୱାସ୍ଥ୍ୟଗତ ସମସ୍ୟା ପାଇଁ ସେ ଆଇସୋଲେସନରେ ରହିଛନ୍ତି । ଇଡି ଆଉ ଥରେ ତାରିଖ ଧାର୍ଯ୍ୟ କଲେ ହାଜର ହୋଇ ପକ୍ଷ ରଖିବେ ।
ସୂଚନାଯୋଗ୍ୟ, ଗତକାଲି ଅର୍ଚ୍ଚନା ନାଗ ମାମଲାରେ ଇଡି ପକ୍ଷରୁ ଅକ୍ଷୟଙ୍କୁ ସମନ ଜାରି କରାଯାଇଥିବା ବେଳେ, ନିର୍ଦ୍ଧାରିତ ସମୟ ଓ ତାରିଖ ଭିତରେ ହାଜର ହେବାକୁ କୁହାଯାଇଥିଲା ।
