-
“ମହାତ୍ମା ଗାନ୍ଧୀଙ୍କ ଆଦର୍ଶ ଆଜି ଅଧିକ ପ୍ରାସଙ୍ଗିକ ହୋଇପାରିଛି ।”
ଚେନ୍ନାଇ, ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ତାମିଲନାଡୁର ଡିଣ୍ଡିଗୁଲରେ ଗାନ୍ଧୀଗ୍ରାମ ଗ୍ରାମୀଣ ପ୍ରତିଷ୍ଠାନର ୩୬ ତମ ସମାବର୍ତ୍ତନ ସମାରୋହରେ ଯୋଗ ଦେଇଥିଲେ । ୨୦୧୮-୧୯ ଏବଂ ୨୦୧୯-୨୦ ବ୍ୟାଚ୍ ର ୨୩୦୦ ରୁ ଅଧିକ ଛାତ୍ରଛାତ୍ରୀ ସମାବର୍ତ୍ତନ ସମାରୋହରେ ସ୍ନାତକ ଉପାଧି ଗ୍ରହଣ କରିଥିଲେ । ଏହା ପରେ ପ୍ରଧାନମନ୍ତ୍ରୀ ବିଜେତାମାନଙ୍କୁ ସ୍ୱର୍ଣ୍ଣ ପଦକ ଏବଂ ଯୋଗ୍ୟ ପ୍ରାର୍ଥୀଙ୍କୁ ସମ୍ମାନଜନକ ପୁରସ୍କାର ପ୍ରଦାନ କରିଥିଲେ ।
ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଗାନ୍ଧୀଗ୍ରାମକୁ ଆସିବା ତାଙ୍କ ପାଇଁ ଅତ୍ୟନ୍ତ ପ୍ରେରଣାଦାୟକ ଅନୁଭୂତି ଅଟେ ଏବଂ ମହାତ୍ମା ଗାନ୍ଧୀଙ୍କ ଦ୍ୱାରା ଏହି ଅନୁଷ୍ଠାନ ଉଦଘାଟିତ ହୋଇଥିଲା ବୋଲି ମନେ ପକାଇଛନ୍ତି । ସେ କହିଥିଲେ ଯେ ମହାତ୍ମାଙ୍କ ଆଦର୍ଶ ତଥା ଅନୁଷ୍ଠାନରେ ଗ୍ରାମୀଣ ବିକାଶର ଚିନ୍ତାଧାରାର ସାକ୍ଷୀ ରହିପାରିବେ । ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ମହାତ୍ମା ଗାନ୍ଧୀଙ୍କ ଆଦର୍ଶ ଆଜିର ଦିନ ତଥା ସମୟରେ ଅତ୍ୟନ୍ତ ପ୍ରାସଙ୍ଗିକ ହୋଇପାରିଛି, ବିବାଦ ହେଉ କିମ୍ବା ଜଳବାୟୁ ସଙ୍କଟ ଦୂର ହେଉ, ତାଙ୍କ ଚିନ୍ତାଧାରାରେ ଅନେକ ଆହ୍ୱାନର ଉତ୍ତର ରହିଛି ଯାହା ଆଜି ବିଶ୍ୱ ସମ୍ମୁଖୀନ ହେଉଛି ।
ପ୍ରଧାନମନ୍ତ୍ରୀ ଆଲୋକପାତ କରିଛନ୍ତି ଯେ ଗାନ୍ଧୀଙ୍କ ଜୀବନଶୈଳୀ ଛାତ୍ରଛାତ୍ରୀମାନଙ୍କ ଉପରେ ଏକ ବଡ଼ ପ୍ରଭାବ ପକାଇବାର ସୁଯୋଗ ରହିଛି ଏବଂ ଦର୍ଶାଇଛନ୍ତି ଯେ ମହାତ୍ମା ଗାନ୍ଧୀଙ୍କ ପାଇଁ ଶ୍ରେଷ୍ଠ ଶ୍ରଦ୍ଧାଞ୍ଜଳି ହେଉଛି ତାଙ୍କ ହୃଦୟ ସହ ଜଡିତ ଚିନ୍ତାଧାରା ଉପରେ କାର୍ଯ୍ୟ କରିବା । ପ୍ରଧାନମନ୍ତ୍ରୀ “ଖଦି ଫର ନେସନ, ଖଦି ଫର୍ ଫ୍ୟାଶନ୍” ର ଉଦାହରଣ ଦେଇଛନ୍ତି ଯାହା ଦୀର୍ଘ ଦିନ ପରେ ଅଣଦେଖା ତଥା ଭୁଲିଯାଇଥିବା କପଡାକୁ ପୁନର୍ଜୀବିତ କରିଛି । ସେ ସୂଚନା ଦେଇଛନ୍ତି ଯେ ଗତ ୮ ବର୍ଷ ମଧ୍ୟରେ ଖଦି ବିକ୍ରିରେ ୩୦୦% ରୁ ଅଧିକ ବୃଦ୍ଧି ଘଟିଛି । ଖଦି ଏବଂ ଗ୍ରାମ ଶିଳ୍ପ ଆୟୋଗ ଗତ ବର୍ଷ ଏକ ଲକ୍ଷ କୋଟି ଟଙ୍କାରୁ ଅଧିକ ରେକର୍ଡ କାରବାର କରିଥିଲେ । ବକ୍ତବ୍ୟ ଜାରି ରଖି ସେ କହିଛନ୍ତି, ବର୍ତ୍ତମାନ ବିଶ୍ୱର ଫ୍ୟାଶନ ବ୍ରାଣ୍ଡଗୁଡ଼ିକ ମଧ୍ୟ ଏହାର ପରିବେଶ ଅନୁକୂଳ ଗୁଣ ଯୋଗୁଁ ଖଦିକୁ ଗ୍ରହଣ କରୁଛନ୍ତି । ଏହାର ପ୍ରସାର ଉତ୍ପାଦନର ବିପ୍ଳବ ନୁହେଁ ବରଂ ଜନତାଙ୍କ ଉତ୍ପାଦନର ବିପ୍ଳବ ବୋଲି ସେ କହିଛନ୍ତି । ମହାତ୍ମା ଗାନ୍ଧୀ କିପରି ଖଦିକୁ ଗ୍ରାମଗୁଡିକରେ ଆତ୍ମର୍ନିଭରଶୀଳତାର ଉପକରଣ ଭାବରେ ଦେଖିଥଲେ, ତାହା ସ୍ମରଣ କରି ପ୍ରଧାନମନ୍ତ୍ରୀ କହିଛନ୍ତି ଯେ ଆମେ ଆତ୍ମନିର୍ଭର ଭାରତ ଦିଗରେ କାର୍ଯ୍ୟ କରୁଥିବାରୁ ସରକାର ତାଙ୍କ ଦ୍ୱାରା ଅନୁପ୍ରାଣିତ ଅଟନ୍ତି । ତାମିଲନାଡୁ ସ୍ୱଦେଶୀ ଆନ୍ଦୋଳନର ଏକ ପ୍ରମୁଖ କେନ୍ଦ୍ର ଥିଲା । ଏହା ପୁଣିଥରେ ଆତ୍ମନିର୍ଭର ଭାରତରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି ପ୍ରଧାନମନ୍ତ୍ରୀ କହିଛନ୍ତି ।
ଗ୍ରାମୀଣ ବିକାଶରେ ମହାତ୍ମା ଗାନ୍ଧୀଙ୍କ ଦୃଷ୍ଟିକୁ ବୁଝିବାର ଆବଶ୍ୟକତା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରି କହିଛନ୍ତି ଯେ ଗ୍ରାମାଞ୍ଚଳରେ ଜୀବନର ମୂଲ୍ୟବୋଧକୁ ବଞ୍ଚାଇ ଗ୍ରାମଗୁଡିକର ବିକାଶ କରନ୍ତୁ । ଗ୍ରାମୀଣ ବିକାଶ ଦିଗରେ ସରକାରଙ୍କ ଦୃଷ୍ଟିକୋଣ ମହାତ୍ମା ଗାନ୍ଧୀଙ୍କ ଆଦର୍ଶରୁ ପ୍ରେରଣା ପାଇଥାଏ ବୋଲି ଶ୍ରୀ ମୋଦୀ ଉଲ୍ଲେଖ କରିଛନ୍ତି । ସେ କହିଛନ୍ତି ଯେ ଯେପର୍ଯ୍ୟନ୍ତ ଭେଦଭାବ ନାହିଁ ସେପର୍ଯ୍ୟନ୍ତ ସହରାଞ୍ଚଳ ଏବଂ ଗ୍ରାମାଞ୍ଚଳ ମଧ୍ୟରେ ପାର୍ଥକ୍ୟ ଗ୍ରହଣୀୟ । ସଂପୂର୍ଣ୍ଣ ଗ୍ରାମ୍ୟ ପରିମଳ, ୬ କୋଟିରୁ ଅଧିକ ଘରକୁ ଟ୍ୟାପ୍ ଜଳ ଯୋଗାଣ, ୨.୫ କୋଟି ବିଦ୍ୟୁତ୍ ସଂଯୋଗ ଏବଂ ସଡ଼କ ମାଧ୍ୟମରେ ଗ୍ରାମାଞ୍ଚଳର ସଂଯୋଗ ବୃଦ୍ଧିର ଉଦାହରଣ ଦେଇ ସରକାର ଲୋକଙ୍କ ଦୁଆର ମୁହଁରେ ବିକାଶ ପହଞ୍ଚାଇବା ଏବଂ ସହରାଞ୍ଚଳ ଏବଂ ଗ୍ରାମାଞ୍ଚଳ ମଧ୍ୟରେ ଥିବା ଅସମାନତାକୁ ସୁଧାରିବାରେ ଲାଗିଛନ୍ତି ।
ମହାତ୍ମା ଗାନ୍ଧୀଙ୍କ ପାଇଁ ପରିମଳ ଏକ ଚିନ୍ତାଧାରା ବୋଲି ମନେ ପକାଇ ପ୍ରଧାନମନ୍ତ୍ରୀ ସ୍ୱଚ୍ଛ ଭାରତର ଉଦାହରଣ ଦେଇଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ସରକାର ମୌଳିକ ସେବା ଯୋଗାଣରେ ଅଟକି ନାହାଁନ୍ତି ବରଂ ଆଧୁନିକ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟାର ଲାଭ ସହିତ ଗ୍ରାମଗୁଡ଼ିକୁ ସଂଯୋଗ କରୁଛନ୍ତି । ପ୍ରାୟ ୨ ଲକ୍ଷ ଗ୍ରାମ ପଞ୍ଚାୟତକୁ ସଂଯୋଗ କରିବା ପାଇଁ ୬ ଲକ୍ଷ କିଲୋମିଟର ଅପ୍ଟିକାଲ ଫାଇବର କେବୁଲ ବିଛାଯାଇଥିବା ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ।
ଗ୍ରାମୀଣ ବିକାଶରେ ସ୍ଥିରତାର ଆବଶ୍ୟକତା ଉପରେ ପ୍ରଧାନମନ୍ତ୍ରୀ କହିଛନ୍ତି ଯେ ଯୁବକମାନେ ଏଭଳି କ୍ଷେତ୍ରରେ ନେତୃତ୍ୱ ପ୍ରଦାନ କରିବା ଆବଶ୍ୟକ । ଗ୍ରାମାଞ୍ଚଳର ଭବିଷ୍ୟତ ପାଇଁ ସ୍ଥାୟୀ କୃଷି ଗୁରୁତ୍ୱପୂର୍ଣ୍ଣ, ସେ ପ୍ରାକୃତିକ ଚାଷ ପାଇଁ ଅତ୍ୟନ୍ତ ଉତ୍ସାହ ଉପରେ ଆଲୋକପାତ କରିଥିଲେ । ଆମର ଜୈବିକ କୃଷି ଯୋଜନା ଆଶ୍ଚର୍ଯ୍ୟଜନକ କାର୍ଯ୍ୟ କରୁଛି, ବିଶେଷ କରି ଉତ୍ତର-ପୂର୍ବରେ ବୋଲି ଶ୍ରୀ ମୋଦୀ ଦର୍ଶାଇଛନ୍ତି । ସେ ଆହୁରି ମଧ୍ୟ ସୂଚନା ଦେଇଛନ୍ତି ଯେ ଗତ ବର୍ଷର ବଜେଟରେ ସରକାର ପ୍ରାକୃତିକ ଚାଷ ସହ ଜଡିତ ନୀତି ଗ୍ରହଣ କରିଛନ୍ତି । କୃଷିକୁ ଏକ ଫସଲି ଧାରାରୁ ରକ୍ଷା କରିବା ଏବଂ ଦେଶୀ କିସମର ଶସ୍ୟ, ମିଲେଟ ଏବଂ ଅନ୍ୟାନ୍ୟ ଫସଲକୁ ପୁନର୍ଜୀବିତ କରିବା ଉପରେ ସେ ଗୁରୁତ୍ୱାରୋପ କରିଥିଲେ ।
ଆଚାର୍ଯ୍ୟ ବିନୋବା ଭାବେଙ୍କ କାର୍ଯ୍ୟକୁ ସ୍ମରଣ କରି ଶ୍ରୀ ମୋଦୀ କହିଛନ୍ତି ଯେ ଗ୍ରାମ୍ୟ ସ୍ତରୀୟ ସଂସ୍ଥାଗୁଡ଼ିକ ପାଇଁ ର୍ନିବାଚନ ବିଭାଜନ ହୋଇପାରେ, ଗୁଜୁରାଟରୁ ଆରମ୍ଭ ହୋଇଥିବା ସମ୍ରାସ ଗ୍ରାମ ଯୋଜନାର ପ୍ରଧାନମନ୍ତ୍ରୀ ଏହାର ଉଦାହରଣ ଦେଇଛନ୍ତି । ସେ ସୂଚନା ଦେଇଛନ୍ତି ଯେ ଯେଉଁ ଗ୍ରାମଗୁଡିକ ସହମତି ଭିତ୍ତିରେ ନେତା ଚୟନ କରିଥିଲେ ସେମାନଙ୍କୁ କିଛି ପ୍ରୋତ୍ସାହନ ଦିଆଯାଇଥିଲା ଯାହା ଦ୍ୱାରା ସାମାଜିକ ବିବାଦ କମିଯାଇଥିଲା ।
ହଜାର ହଜାର ଗ୍ରାମବାସୀ ଗାନ୍ଧୀ ଜୀଙ୍କର ଝଲକ ପାଇବାକୁ ଟ୍ରେନରେ ଆସିଥିବା ସମୟକୁ ମନେ ପକାଇ ପ୍ରଧାନମନ୍ତ୍ରୀ କହିଥିଲେ ଯେ ମହାତ୍ମା ଗାନ୍ଧୀ ଏକକ ତଥା ସ୍ୱାଧୀନ ଭାରତ ପାଇଁ ଲଢିଛନ୍ତି ଏବଂ ଗାନ୍ଧୀଗ୍ରାମ ହେଉଛି ଭାରତର ଏକତାର ଏକ କାହାଣୀ । ସେ କହିଛନ୍ତି, ତାମିଲନାଡୁ ସର୍ବଦା ଜାତୀୟ ଚେତନାର କେନ୍ଦ୍ର ହୋଇ ଆସିଛି । ବିଦେଶରୁ ଫେରିଥିବା ସ୍ୱାମୀ ବିବେକାନନ୍ଦଙ୍କୁ କିଭଳି ବୀରର ସମ୍ବର୍ଦ୍ଧନା ପ୍ରଦାନ କରାଯାଇଥିଲା ତାହାକୁ ସେ ମନେ ପକାଇଥିଲେ । ଦିବଙ୍ଗତ ଜେନେରାଲ ବିପିନ ରାୱତଙ୍କ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ “ବୀର ଭାନକକମ୍” ର ଉଚ୍ଚାରଣ ଶୁଣିଥିଲେ ।
ଖୁବ୍ ଶୀଘ୍ର କାଶୀରେ ହେବାକୁ ଯାଉଥିବା କାଶୀ ତାମିଲ ସଙ୍ଗମ ପ୍ରତି ପ୍ରଧାନମନ୍ତ୍ରୀ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ଏବଂ ଏହା କାଶୀ ଏବଂ ତାମିଲନାଡୁ ମଧ୍ୟରେ ଥିବା ବନ୍ଧନକୁ ପାଳନ କରିବ ବୋଲି କହିଥିଲେ । ଏହା ହେଉଛି ଏକ ଭାରତ ଶ୍ରେଷ୍ଠ ଭାରତର କାର୍ଯ୍ୟ । ପରସ୍ପର ପ୍ରତି ଏହି ପ୍ରେମ ଏବଂ ସମ୍ମାନ ଆମର ଏକତାର ଆଧାର ବୋଲି ସେ କହିଛନ୍ତି ।
ରାନୀ ଭେଲୁ ନାଚିଆରଙ୍କ ବଳିଦାନକୁ ମନେ ପକାଇ ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ସେ ବ୍ରିଟିଶମାନଙ୍କ ସହ ଲଢିବାକୁ ପ୍ରସ୍ତୁତ ହେଉଥିବାବେଳେ ସେ ଏଠାରେ ରହିଥିଲେ । ଆଜି ମୁଁ ଏକ ଅଞ୍ଚଳରେ ଅଛି, ଯେଉଁଠାରେ ନାରୀ ଶକ୍ତିଙ୍କର ଶକ୍ତି ଦେଖୁଛି । ମୁଁ ଦେଖୁଛି ଯୁବତୀମାନେ ଏଠାରେ ସର୍ବ ବୃହତ ପରିବର୍ତ୍ତନକାରୀ ଭାବରେ ସ୍ନାତକ ହାସଲ କରୁଛନ୍ତି । ଆପଣ ଗ୍ରାମୀଣ ମହିଳାମାନଙ୍କୁ ସଫଳ କରିବାରେ ସାହାଯ୍ୟ କରିବେ । ସେମାନଙ୍କର ସଫଳତା ହେଉଛି ଦେଶର ସଫଳତା ବୋଲି ସେ ମନ୍ତବ୍ୟ ଦେଇଛନ୍ତି ।
ଏହା ବିଶ୍ୱର ସର୍ବବୃହତ ଟୀକା ଅଭିଯାନ ହେଉ, ଗରିବଙ୍କ ପାଇଁ ଖାଦ୍ୟ ନିରାପତ୍ତା ହେଉ କିମ୍ବା ବିଶ୍ୱର ଅଭିବୃଦ୍ଧି ଇଞ୍ଜିନି ହେଉ, ପ୍ରଧାନମନ୍ତ୍ରୀ କହିଛନ୍ତି ଯେ ଏକ ସମୟରେ ଭାରତ ଏକ ପ୍ରମୁଖ ସ୍ଥାନ ପାଲଟିଛି ଯେତେବେଳେ ଶତାବ୍ଦୀରେ ବିଶ୍ୱ ସବୁଠାରୁ ଭୟଙ୍କର ସଙ୍କଟର ସମ୍ମୁଖୀନ ହୋଇଥିଲା । ବିଶ୍ୱ ଆଶା କରୁଛି ଯେ ଭାରତ ବହୁତ ଭଲ କାମ କରିବ । କାରଣ ଭାରତର ଭବିଷ୍ୟତ ଯୁବକମାନଙ୍କ ହାତରେ ଅଛି । ପ୍ରଧାନମନ୍ତ୍ରୀ ବକ୍ତବ୍ୟ ଜାରି ରଖି କହିଛନ୍ତ ଯୁବକମାନେ, ଯେଉଁମାନେ କେବଳ ଆହ୍ୱାନ ଗ୍ରହଣ କରନ୍ତି ନାହିଁ ବରଂ ତାହାକୁ ଉପଭୋଗ କରନ୍ତି, ଯେଉଁମାନେ କେବଳ ପ୍ରଶ୍ନ କରନ୍ତି ନାହିଁ ବରଂ ଉତ୍ତର ମଧ୍ୟ ପାଇଥାନ୍ତି, ଯେଉଁମାନେ କେବଳ ର୍ନିଭୟରେ ନୁହଁନ୍ତି, ସେମାନେ ମଧ୍ୟ ନିରନ୍ତର, ଯେଉଁମାନେ କେବଳ ଇଚ୍ଛା କରନ୍ତି ନାହିଁ, କିନ୍ତୁ ହାସଲ ମଧ୍ୟ କରନ୍ତି । ପ୍ରଧାନମନ୍ତ୍ରୀ ବକ୍ତବ୍ୟ ଶେଷ କରି କହିଛନ୍ତି, ଆଜି ସ୍ନାତକ ହାସଲ କରିଥିବା ଯୁବକମାନଙ୍କୁ ମୋର ବାର୍ତ୍ତା ହେଉଛି – ଆପଣ ନୂତନ ଭାରତର ର୍ନିମାଣକାରୀ । ଆଗାମୀ ୨୫ ବର୍ଷ ପାଇଁ ଅମୃତ କାଳରେ ଭାରତର ନେତୃତ୍ୱ ନେବାର ଦାୟିତ୍ୱ ତୁମର ଅଛି ।
