ଗଞ୍ଜାମ, ଗଞ୍ଜାମ ଜିଲ୍ଲ ଖଲ୍ଲିକୋଟ ଅଂଚଳରୁ ବିଭିନ୍ନ ସମୟରେ ଚୋରି ହୋଇଥିବା ୪ଟି ବାଇକ୍ କୁ ପୋଲିସ ଉଦ୍ଧାର କରିଛି । ଘଟଣାରେ ୨ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
ଖଲ୍ଲିକୋଟ ଅଂଚଳରୁ ବିଭିନ୍ନ ସମୟରେ ବାଇକ୍ ଚୋରି ହୋଇଥିଲା । ଏ ସଂକ୍ରାନ୍ତରେ ଗତ ଅଗଷ୍ଟ ୪ ତାରିଖରେ ଖଲ୍ଲିକୋଟ ଥାନା କେସ୍ ନଂ ୪୨୪/୨୨ ରେ ଏକ ମାମଲା ରୁଜ୍ଜୁ କରି ତଦନ୍ତ କରୁଥିଲା ପୋଲିସ । ମାମଲାରେ ଆଜି ଦୁଇ ଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ଦ୍ଵୟ ହେଲେ ଖଲ୍ଲିକୋଟ ଥାନା ଅନ୍ତର୍ଗତ ନୂଆଫାସୁଳା ଗ୍ରାମର ଜି. ଜଗା ରାଉଳ (୩୦), କୋଦଳା ରେଞ୍ଜ୍ ଅଫିସ୍ ବଙ୍ଗଳାର ଜେ. ଶଙ୍କର (୨୦) । ସେମାନଙ୍କ ନିକଟରୁ ବାଇକ୍ ନଂ ଓଡ଼ି୦୭ଏବି-୫୦୨୫, ଓଆର୦୨ଏଡବ୍ଲୁ-୯୯୩୫, ଓଆର୦୭ଜି-୩୫୨୩ ଏବଂ ଓଡି୦ଡବ୍ଲୁ-୯୧୩୭ ଉଦ୍ଧାର ହୋଇଛି ।
