ନୂଆପଡ଼ା, ନୂଆପଡା ଜିଲ୍ଲା ସୁନାବେଡା ଜାମଗାଓଁ ଠାରେ ୨୧୬ ସିଆରପିଏଫ ବାଟାଲିୟନ ପକ୍ଷରୁ ସିଭିଲ ଏକ୍ସନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସିଆରପିଏଫ ଆଇଜି ଏସ.କେ. ମହାନ୍ତି ଏବଂ ଡିଆଇଜି ରାଜୀବ ରାୟଙ୍କ ନିର୍ଦ୍ଧେଶ କ୍ରମେ ସିଭିଲ ଏକ୍ସନ କାର୍ଯ୍ୟକ୍ରମ ଅନୁଷ୍ଠିତ ହୋଇଅଛି। ଜାମଗାଓଁ ର ଗୋରାପଡା, ମାଝୀପଡା, ମେମ୍ବର ପଡା, ବାସୀପଡା, ଝଙ୍କାରପଡାରେ ବସବାସ କରୁଥିବା ସମସ୍ତ ନାଗରିକଙ୍କୁ ଦୈନନ୍ଦିନ ଜୀବନରେ ଆବଶ୍ୟକ ଥିବା ସାମଗ୍ରୀ ବଣ୍ଟନ କରିଛନ୍ତି। କମ୍ବଳ ମଧ୍ୟ ବଣ୍ଟନ କରିଥିବା ଜଣାପଡିଅଛି।
ସେହିପରି ୨୧୬ ସିଆରପିଏଫ ବାଟାଲିୟନ ପକ୍ଷରୁ ସୁନାବେଡା ଠାରେ ଯୁଗଗୋଷ୍ଠୀଙ୍କୁ ଭଳିବଲ, ଭଳିବଲ ନେଟ, ଫୁଟବଲ, ଫୁଟବଲ ନେଟ ବଣ୍ଟନ କରିଛନ୍ତି। ସୁନାବେଡା, ସନବହାଳି, ଗତିବେଡା, ଗୋଡ଼ଭଟ୍ଟା, କୁଳଥାପଡା ଯୁବକଙ୍କୁ କ୍ରୀଡା ଏବଂ ଖେଳ ଉପରେ ରୁଚି ଜାଗ୍ରତ କରିବାକୁ ଏସବୁ ସାମଗ୍ରୀ ବଣ୍ଟନ କରିଛନ୍ତି।
