ଖୋର୍ଦ୍ଧା, ଖୋର୍ଦ୍ଧା ଡିଭିଜନ ନିରାକାରପୁର ରେଳ ଷ୍ଟେସନ ନିକଟରେ ଟ୍ରେନରେ କଟି ଜଣେ ରେଳ କର୍ମଚାରୀଙ୍କ ମୃତ୍ୟୁ ଘଟିଛି । ମୃତକ ରେଳବାଇ କର୍ମଚାରୀ ଜଣକ ହେଲେ ରେଳବାଇ ୱାର୍ଲେସ ମ୍ୟାନ ରତ୍ନାକର ପଣ୍ଡା ।
ଗୁରୁବାର ସକାଳେ ନିରାକାରପୁର ଷ୍ଟେସନରେ ମେମୁ ପାସେଞ୍ଜର ଟ୍ରେନରେ ଚଢୁଥିବା ବେଳେ ଅସାବଧାନତା ହେତୁ ତାଙ୍କର ଗୋଡ ଖସି ଯିବାରୁ ସେ ତଳେ ପଡିଯାଇଥିଲେ । ଟ୍ରେନ ଚକା ତାଙ୍କ ଉପରେ ଚଢି ଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । ଖବରପାଇ ନିରାକାରପୁର ରେଳବାଇ ପୋଲିସ ସେଠାରେ ପହଂଚି ମୃତକଙ୍କ ଶବ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
