ବର୍ଷା – ଅନୁଭବ ପାରିବାରିକ ବିବାଦ ମାମଲା

• ଅନୁଭବଙ୍କ ପୈତୃକ ଘର ଚାବି ଫେରାଇବାକୁ ବର୍ଷାଙ୍କୁ କୋର୍ଟଙ୍କ ନିର୍ଦ୍ଦେଶ

କଟକ,  ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଓ ସାଂସଦ ଅନୁଭବ ମହାନ୍ତି ପାରିବାରିକ ବିବାଦ ମାମଲାରେ ନଭେମ୍ବର ୨ ତାରିଖ ସୁଦ୍ଧା ଅନୁଭବଙ୍କ ପୈତୃକ ଘର ଚାବି ଫେରାଇବାକୁ ବର୍ଷାଙ୍କୁ ନିର୍ଦ୍ଦେଶ ଦେଇଛନ୍ତି କୋର୍ଟ । କୋର୍ଟଙ୍କ ଉପସ୍ଥିତିରେ ଏହି ଚାବି ଫେରାଇବାକୁ ବର୍ଷାଙ୍କୁ ନିର୍ଦ୍ଦେଶ ହୋଇଛି ।

ପ୍ରକାଶ ଥାଉକି, କୋର୍ଟଙ୍କ ନିର୍ଦ୍ଦେଶ କ୍ରମେ ବର୍ଷା ଅନୁଭବଙ୍କ ଘର ଛାଡିଛନ୍ତି, କିନ୍ତୁ ବର୍ତମାନ ସୁଦ୍ଧା ଏହି ଚାବି ବର୍ଷାଙ୍କ ପାଖରେ ରହିଛି । ତେଣୁ ଏହି ଚାବି କୋର୍ଟଙ୍କ ସମ୍ମୁଖରେ ବର୍ଷା କିମ୍ବା ତାଙ୍କ ଓକିଲ ପ୍ରଦାନ ପାଇଁ ନିର୍ଦ୍ଦେଶ ରହିଛି । ନଚେତ୍ ଏହି ଚାବି କୋର୍ଟଙ୍କ ଜିମାରେ ଦେବାକୁ ନିର୍ଦ୍ଦେଶ ଦେଇଛନ୍ତି କଟକ ସଦର ଏସଡିଜେଏମ ।