ଗଞ୍ଜାମ- ଜଗନ୍ନାଥ ପ୍ରସାଦ ଥାନା ଅନ୍ତର୍ଗତ ପଟାଧାର ଗାଁରେ ଅଭାବନୀୟ ଘଟଣା ଘଟିଛି । ଗତକାଲି ରାତିରେ ଟୁଲୁ ପ୍ରଧାନ(୩୫)ଙ୍କୁ ସ୍ତ୍ରୀ ଓ ଶଳା ଉଭୟେ କାତିରେ ହାଣି ହତ୍ୟା କରିଛନ୍ତି । ଏହି ଘଟଣା ପରେ ଶଳା ଜିତୁ ବତେଇ ଏବଂ ପତ୍ନୀ ବବି ପ୍ରଧାନ ଜଗନ୍ନାଥ ପ୍ରସାଦ ଥାନାରେ ଆତ୍ମ ସମର୍ପଣ କରିଛନ୍ତି । ପାରିବାରିକ କଳହରୁ ଏହି ହତ୍ୟାକାଣ୍ଡ ଘଟିଥିବା ପୁଲିସ ସୁରାକ ପାଇଛି । ଆଜି ସକାଳେ ପୁଲିସ ଘଟଣାସ୍ଥଳରୁ ଟୁଲୁ ପ୍ରଧାନର ଶବକୁ ଜବତ କରି ଭଞ୍ଜନଗର ଡାକ୍ତରଖାନାକୁ ବ୍ୟବଚ୍ଛେଦ ପାଇଁ ପଠାଇ ଜଗନ୍ନାଥ ପ୍ରସାଦ ଥାନାରେ ଏ ଘଟଣାରେ ୧୯୬/୧୯ରେ ଏକ ହତ୍ୟାକାଣ୍ଡ ମାମଲା ରୁଜୁକରି ଘଟଣାର ତଦନ୍ତ କରୁଥିବା ସୂଚନା ଦେଇଛନ୍ତି ।
