ଭୁବନେଶ୍ୱର, ଅଭ୍ୟାସଗତ ଓ ପେଷାଦାର ଅପରାଧୀ କିଶନ ଓରଫ କ୍ରୀଷ୍ଣା ସିଂକୁ ତଡ଼ିପାର କରିଛି କମିଶନରେଟ୍ ପୋଲିସ । କିଶନର ଘର ପାତ୍ରପଡ଼ା ଉଦୟଗିରି ବିହାରରେ । ଖଣ୍ଡଗିରି ଥାନା ଅଂଚଳ ଓ ଭୁବନେଶ୍ୱର ସହରାଂଚଳ ପୋଲିସ ପାଇଁ ଏହି ତଡିପାର କଟକଣା ବଳବତର ରହିବ । ୨୦୧୪ରୁ ୨୦୨୨ ମଧ୍ୟରେ କିଶନ ନାଁରେ ଖଣ୍ଡଗିରି ଥାନାରେ ୮ଟି ମାମଲା ରହିଛି । ସେହିପରି ଭରତପୁର ଥାନାରେ ୨ଟି, ଏୟାରପୋର୍ଟ ଓ ଜଟଣୀ ଥାନାରେ ଗୋଟିଏ ଲେଖାଏଁ ମାମଲା ରୁଜୁ ହୋଇଛି । ଲୋକଙ୍କୁ ଭୟଭୀତ କରିବା ସହ ମାରଣାସ୍ତ୍ର ଦେଖାଇ ଲୁଟ୍ ଓ ଚୋରିରେ ଲିପ୍ତ ଥିଲା କିଶନ । ଗତକାଲି ଲକ୍ଷ୍ମୀସାଗରର ବାବୁ ଓରଫ ସଂଗ୍ରାମ ପ୍ରଧାନକୁ ତଡ଼ିପାର କରାଯାଇଥିଲା ।
