କୈଳାଶ ଚନ୍ଦ୍ର ପଣ୍ଡା,ପୁରୀ
ପବିତ୍ର ଦୀପାବଳି ଓ ପୟା ଶ୍ରାଦ୍ଧ ଶ୍ରୀକ୍ଷେତ୍ରରେ ପାଳିତ ହୋଇଯାଇଛି |କାଲି ତିଥି ଥିଲେ ମଧ୍ୟ ସୂର୍ଯ୍ୟ ପରାଗ ଲାଗି ଆଜି ପୟା ଶ୍ରାଦ୍ଧ ପାଇଁ ଶ୍ରୀକ୍ଷେତ୍ରରେ ଲକ୍ଷାଧିକ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା |କାଉଁରିଆ କାଠି ଜାଳି ପିତୃ ପୁରୁଷଙ୍କୁ ବିଦାୟ ଦେଇଛନ୍ତି ଶ୍ରଦ୍ଧାଳୁ |ଦୁଇ ବର୍ଷ ପରେ ସିଂହଦ୍ୱାର ସମ୍ମୁଖରେ ଏକତ୍ରିତ ହୋଇ କାଉଁରିଆ କାଠି ଜାଳିବା ସହିତ ବଡ଼ବଡ଼ୁଆ ଡାକିଛନ୍ତି ଶ୍ରଦ୍ଧାଳୁ |ପିତୃ ପକ୍ଷରେ ମର୍ତ୍ୟ ମଣ୍ଡଳକୁ ଆସିଥିବା ପିତୃ ପୁରୁଷଙ୍କୁ ଆଜି ବିଦାୟ ଦେବାର ପରମ୍ପରା ରହିଛି |ଶ୍ରୀମନ୍ଦିର ନିକଟରେ ପିଣ୍ଡଦାନ ସହିତ ବଡ଼ବଡ଼ୁଆ ଡାକିଥିଲେ ଶ୍ରଦ୍ଧାଳୁ |ସୂର୍ଯ୍ୟ ପରାଗକୁ ଦୃଷ୍ଟିରେ ଆଜି ମଧ୍ୟ ରାତ୍ରିରୁ ଶ୍ରୀମନ୍ଦିରରେ ସମସ୍ତ ନୀତିକାନ୍ତି ଆରମ୍ଭ କରାଯିବ |
