କେନ୍ଦୁଝର, ୪୯ ନଂ ଜାତୀୟ ରାଜପଥର ତୁରୁମୁଙ୍ଗା ଥାନା ଅନ୍ତର୍ଗତ ଖିରେଇଟାଙ୍ଗିରି ପେଟ୍ରୋଲ ପମ୍ପ ନିକଟରେ ହୁତୁହୁତୁ ହୋଇ ଜଳିଯାଇଛି ଏକ ଟ୍ରକ୍ । ମିଳିଥିବା ସୂଚନା ଅନୁସାରେ, ଆଜି ପୂର୍ବାହ୍ନ ପ୍ରାୟ ୧୧ଟା ସମୟରେ ଏହି ଅଗ୍ନିକାଣ୍ଡ ଘଟିଛି । ଡ୍ରାଇଭର ଓ ହେଲପର ଟ୍ରକ୍ ର କ୍ୟାବିନ୍ ଭିତରେ ଗ୍ୟାସ୍ରେ ରୋଷେଇ କରିସାରିବା ପରେ ଗାଡିର କବାଟ ଝରକା ବନ୍ଦ କରି ଚାଲାଣ କାଟିବାକୁ ଯାଇଥିଲେ । ଏହି ସମୟରେ ଟ୍ରକ୍ ଟି ହଠାତ୍ ହୁତୁହୁତୁ ହୋଇ ଜଳି ଉଠିଥିଲା । ଖବର ପାଇ ତୁରୁମୁଙ୍ଗା ଥାନା ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଚଳାଇଛି । ଅଗ୍ନିଶମ ବାହିନୀ ପହଂଚି ନିଆଁକୁ ଆୟତ କରିଛି । ତେବେ ସୌଭାଗ୍ୟବଶତଃ ଡ୍ରାଇଭର ଓ ହେଲପର ଗାଡିରେ ନଥିବାରୁ ଏହି ଦୁର୍ଘଟଣାରୁ ଅଳ୍ପକେ ବର୍ତି ଯାଇଛନ୍ତି ।
