ରାଜ୍ଯ ଜାତୀୟ ସେବା ଯୋଜନା ପୁରସ୍କାର ପାଇଲେ ଏସି ସି ଏସ୍ କଲେଜ ଛାତ୍ର ଓଁ,

ଓଡିଶା ସରକାରଙ୍କ ଦ୍ଵାରା ଆୟୋଜିତ ଜାତୀୟ ସେବା ଯୋଜନାର ରାଜ୍ୟ ପୁରସ୍କାର ସମ୍ଵର୍ଦ୍ଧନା ଉତ୍ସବରେ ସାମନ୍ତ ଚନ୍ଦ୍ରଶେଖର ସ୍ଵୟଂ ଶାସିତ ମହାବିଦ୍ୟାଳୟ ର ଏମ୍ ବି ଏ ବିଭାଗର ଛାତ୍ର ଓଁ ପ୍ରସାଦ ମହାନ୍ତି ତାଙ୍କର ଉତ୍ତମ୍ ସେବା ପାଇଁ ସମ୍ବର୍ଦ୍ଧିତ ହୋଇଛନ୍ତି। ଓଁ ଜାତୀୟ ସେବା ଯୋଜନାରେ ବିଗତ ୬ ବର୍ଷ ଧରି ନିରବଚ୍ଛିନ୍ନ ଭାବେ ଜାତୀୟ ସେବା ଯୋଜନାର ସକ୍ରିୟ ସ୍ଵେଚ୍ଛାସେବୀ ଭାବରେ କାର୍ଯ୍ୟ କରିଆସୁଛନ୍ତି। ତାଙ୍କର ଉତ୍ସର୍ଗୀକୃତ ଓ ଉତ୍କୃଷ୍ଟ ସେବା ପାଇଁ ୨୦୨୦~୨୧ ଶିକ୍ଷା ବର୍ଷ ନିମନ୍ତେ ରାଜ୍ଯ ସରକାରଙ୍କ ଗଣ ଶିକ୍ଷା ବିଭାଗ ତରଫରୁ ଜୟଦେବ ଭବନ ଭୁବନେଶ୍ବର ଠାରେ ଆୟୋଜିତ ଉତ୍ସବ ରେ ଗଣଶିକ୍ଷା ମନ୍ତ୍ରୀ ଶ୍ରୀ ରୋହିତ ପୂଜାରୀ ତାଙ୍କୁ ଏହି ସମ୍ମାନ ପ୍ରଦାନ କରିଥିଲେ। ଓଁ ଙ୍କ ଏହି କୃତିତ୍ଵ ରେ ପୁରୀ ଜିଲ୍ଲା ଜାତୀୟ ସେବା ଯୋଜନା ର ସ୍ଵେଚ୍ଛାସେବୀ ଏବଂ ସାମନ୍ତ ଚନ୍ଦ୍ରଶେଖର ସ୍ଵୟଂ ଶାସିତ ମହାବିଦ୍ୟାଳୟର ଛାତ୍ରଛାତ୍ରୀଙ୍କ ମଧ୍ୟରେ ଖୁସି ର ଲହରୀ ଖେଳିଯାଇଛି। ପୁରୀ ଅତିରିକ୍ତ ଜିଲ୍ଲାପାଳ ଶ୍ରୀ ପ୍ରଦୀପ କୁମାର ସାହୁ, ପୁରୀ ଜିଲ୍ଲା ବିଭିନ୍ନ ସ୍ଵେଚ୍ଛାସେବୀ ସଂଗଠନ ଓ ବୁଦ୍ଧିଜୀବୀ ଏହି ଅବସରରେ ଓଁ ଙ୍କୁ ଶୁଭେଚ୍ଛା ଜଣାଇଛନ୍ତି। ଆଗାମୀ ଦିନରେ ସମାଜ ସେବା ହିଁ ତାଙ୍କ ଜୀବନର ଲକ୍ଷ୍ଯ ବୋଲି ଓଁ କହିଛନ୍ତି