ପୁରୀ,ଭୁବନେଶ୍ଵର ଠାରେ ଅନୁଷ୍ଠିତ ରାଜ୍ୟସ୍ତରିୟ ସାଇନ୍ସ ସେମିନାର ପ୍ରତିଯୋଗିତାରେ ପୁରୀ ଜିଲ୍ଲା ତରଫରୁ ପୁରୀ ଜିଲ୍ଲା ସ୍କୁଲର ନବମ ଶ୍ରେଣୀ ଛାତ୍ରୀ କୁମାରୀ ପ୍ରିୟାଲି ପ୍ରିୟଦର୍ଶିନୀ ଅଂଶଗ୍ରହଣ କରି ସମଗ୍ର ଓଡ଼ିଶାରେ ପ୍ରଥମ ସ୍ଥାନ ଅଧିକାର କରିଛନ୍ତି। ରାଜ୍ୟ ତରଫରୁ ଜାତୀୟ ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ ପାଇଁ ଯୋଗ୍ଯବିବେଚିତା ହୋଇଛନ୍ତି। ତାଙ୍କ ଉପସ୍ଥାପିତ ବିଷୟବସ୍ତୁ ବେସିକ ସାଇନ୍ସ ଫର ସଷ୍ଟେନେବଲ ଡେଭଲପମେଣ୍ଟ : ଚାଲେନ୍ଜେସ ଆଣ୍ଡ ପ୍ରସ୍ପେକ୍ଟସ ଟି ବିଚାରକ ମଣ୍ଡଳୀଙ୍କ ଦ୍ଵାରା ଉଚ୍ଚ ପ୍ରଶଂସିତ ହୋଇଛି। ପୁରୀ ଜିଲ୍ଲା ସ୍କୁଲର ବିଜ୍ଞାନ ଶିକ୍ଷକ ଅବଦୁଲ୍ ଜାଭେଦ୍ ଅକ୍ତାର୍ ସିଦ୍ଦିକଙ୍କ ମାର୍ଗଦର୍ଶନରେ ଏହି ବିଷୟଟି ପ୍ରସ୍ତୁତ କରାଯାଇଛି। ପ୍ରିୟାଲି ପ୍ରିୟଦର୍ଶିନୀଙ୍କ ସଫଳତା ସମଗ୍ର ଜିଲ୍ଲାକୁ ଗୈାରବ ମଣ୍ଡିତ କରିଥିବାରୁ ବିଦ୍ୟାଳୟର ପ୍ରଧାନ ଶିକ୍ଷକ ଜ୍ୟୋତିର୍ମୟୀ ମିଶ୍ର, ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ତାଙ୍କୁ ଶୁଭେଚ୍ଛା ଜଣାଇବା ସହ ଜାତୀୟ ସ୍ତରରେ ତାଙ୍କ ସଫଳତା କାମନା କରିଛନ୍ତି।
