ମାଲକାନଗିରି, ଚିତ୍ରକୋଣ୍ଡା ବ୍ଳକ ସ୍ଵାଭିମାନ ଅଞ୍ଚଳର ପ୍ରତ୍ୟେକ କ୍ଲଷ୍ଟରରେ ଶିଶୁ ମହୋତ୍ସବ ପାଳନ ହୋଇଯାଇଛି। ବଡ଼ପଦର କ୍ଲଷ୍ଟରର ସିଆରସିସି ନୀଳାଦ୍ରି କୁମାର ରାଉତ ସାମନ୍ତଙ୍କ ଅଧ୍ୟକ୍ଷତାରେ ବଡ଼ପଦର ଗ୍ରାମପଞ୍ଚାୟତର ୧୫ ଟି ବିଦ୍ୟାଳୟକୁ ନେଇ ଶିଶୁ ମହୋତ୍ସବ ସୁରଭି, ବଡ଼ପଦର ଉଚ୍ଚ ବିଦ୍ୟାଳୟରେ ପାଳନ କରାଯାଇଥିଲା। ଏହି କାର୍ଯ୍ୟକ୍ରମରେ ମୋଟ ୧୦୦ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। କାର୍ଯକ୍ରମରେ ଗୀତ, ନାଚ, ଚିତ୍ରାଙ୍କନ, ସାଧାରଣ ଜ୍ଞାନ, ହସ୍ତାକ୍ଷର ଲିଖନ, ସୃଜନୀ ଲିଖନ ଆଦି ପ୍ରତିଯୋଗିତା କରାଯାଇଥିଲା। ପ୍ରତିଯୋଗିତାରେ ଭାଗନେଇ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିବା କୃତି ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରାଯାଇଥିଲା।
ଏହି କାର୍ଯ୍ୟକ୍ରମ କୁ ୧୫ ଟି ବିଦ୍ୟାଳୟରୁ ଜଣେ ଜଣେ ଶିକ୍ଷକ/ଶିକ୍ଷୟତ୍ରୀ ସହଯୋଗ କରିଥିଲେ। ଏଭଳି କାର୍ଯ୍ୟକ୍ରମକୁ ଦେଖି ବ୍ଲକ ଶିକ୍ଷାଧିକାରୀ ସୁଶ୍ରୀ ଗାୟତ୍ରୀ ଦେବୀ ବହୁତ ଖୁସି ହୋଇଥିଲେ ଏବଂ ବଡ଼ପଦର ପଞ୍ଚାୟତର ସମସ୍ତ ଶିକ୍ଷକ ଶିକ୍ଷୟତ୍ରୀଙ୍କୁ ଧନ୍ୟବାଦ ଦେଇଥିଲେ।
