ରାଉରକେଲା, ରାଉରକେଲା ହନୁମାନ ବାଟିକା ଛକ ନିକଟରେ ଆଜି ସକାଳେ ମୋଟସାଇକେଲରେ ଆସୁଥିବା ଜଣେ ମାଛ ବେପାରୀଙ୍କ ଉପରେ ଟ୍ରକ ମାଡିଯିବାରୁ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଛି । ତାଙ୍କର ପରିଚୟ ମିଳିନାହିଁ ।
ସକାଳ ପ୍ରାୟ ୧୦ଟା ବେଳେ ଏହି ବେପାରୀ ଜଣକ ତାଙ୍କ ବାଇକରେ ହନୁମାନ ବାଟିକ ଛକ ଆଡକୁ ଆସୁଥିବା ବେଳେ ରାସ୍ତାରେ ପଡିଥିବା ବାଲିରେ ତାଙ୍କ ବାଇକ ଖସିଗଲା, ଏହି ସମୟରେ ପଛରୁ ଆସୁଥିବା ଟ୍ରକ ସେହି ବେପାରୀଙ୍କ ଉପରେ ମାଡି ଯାଇଥିଲା। ଫଳରେ ବେପାରୀ ଜଣଙ୍କର ମୃତ୍ୟୁ ଘଟିଥିଲା । ଦୁର୍ଘଟଣାରେ ଟ୍ରକ ଚାଳକ ଗାଡି ନେଇ ସେଠାରୁ ଫେରର ହୋଇଯାଇଛି । ଦୁର୍ଘଟଣାଗ୍ରସ୍ତ ବାଇକ କୁ ଜବତ କରିଛି ପୁଲିସ। ମୃତକଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ଏନେଇ ଅଧିକ ତଦନ୍ତ ଚଳାଇଛି ପୁଲିସ।
