ନୂଆଦିଲ୍ଲୀ, ଜାତୀୟ କଂଗ୍ରେସର ମଙ୍ଗ ଧରିଛନ୍ତି ମଲ୍ଲିକାର୍ଜୁନ ଖଡଗେ । ୨୪ ବର୍ଷ ପରେ ଦେଶର ସର୍ବପୁରାତନ ଦଳର ନେତୃତ୍ୱ ନେବେ ଜଣେ ଅଣଗାନ୍ଧୀ ତଥା ଦଳର ବରିଷ୍ଠ ନେତା ମଲ୍ଲିକାର୍ଜୁନ ଖଡଗେ । ଗତ ୧୭ ତାରିଖରେ କଂଗ୍ରେସ ସଭାପତି ନିର୍ବାଚନ ହୋଇଥିବା ବେଳେ ବୁଧବାର ଫଳାଫଳ ପ୍ରକାଶ ପାଇଛି । ମଲ୍ଲିକାର୍ଜୁନ ଖଡଗେଙ୍କୁ ୭ ହଜାର ୮୯୭ ଭୋଟ୍ ମିଳିଥିବା ବେଳେ ଶଶୀ ଥରୁରଙ୍କୁ ମିଳିଛି ମାତ୍ର ୧୦୭୨ ଭୋଟ୍ । ଫଳରେ ମଲ୍ଲିକାର୍ଜୁନ୍ କଂଗ୍ରେସର ନୂଆ ଅଧ୍ୟକ୍ଷ ନିର୍ବାଚିତ ହୋଇଛନ୍ତି । ଏହି ନିର୍ବାଚନରେ ମୋଟ ୯୩୮୫ ଭୋଟ୍ ମଧ୍ୟରୁ ୪୧୬ ଖଣ୍ଡ ଭୋଟ୍ ନାକଚ ହୋଇଯାଇଛି ।
