ଭୁବନେଶ୍ୱର, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଶିଷ୍ଟ ସ୍ୱାଧୀନତା ସଂଗ୍ରାମୀ ସାରଙ୍ଗଧର ଦାସଙ୍କ ଜୟନ୍ତୀରେ ଶ୍ରଦ୍ଧାଂଜଳି ଜଣାଇଛନ୍ତି । ସେ ଟ୍ୱିଟ କରି କହିଛନ୍ତି ଯେ – ବିଶିଷ୍ଟ ସ୍ୱାଧୀନତା ସଂଗ୍ରାମୀ ତଥା ସମାଜବାଦୀ ଆନ୍ଦୋଳନର ବାର୍ତ୍ତାବହ ଗଡ଼ଜାତ ଗାନ୍ଧୀ ସାରଙ୍ଗଧର ଦାସଙ୍କ ଜୟନ୍ତୀରେ ମୋର ଶ୍ରଦ୍ଧାଞ୍ଜଳି । ସମାଜରେ ଅବହେଳିତ, ଅସହାୟ ଲୋକଙ୍କ କଲ୍ୟାଣ, ସମ୍ବିଧାନ ପ୍ରଣୟନରେ ମହତ୍ୱପୂର୍ଣ୍ଣ ଭୂମିକା ସହ ଶିଳ୍ପ ସମୃଦ୍ଧ ରାଜ୍ୟ ଗଠନ ଦିଗରେ ତାଙ୍କ ଜୀବନବ୍ୟାପୀ ଉଦ୍ୟମ ତାଙ୍କୁ ଚିରକାଳ ଅମର କରି ରଖିବ ।
