ଭୁବନେଶ୍ୱର, ଗତକାଲିଠାରୁ ଭୁବନେଶ୍ୱର ସ୍ଥିତ ନନ୍ଦନକାନନ ପ୍ରାଣୀ ଉଦ୍ୟାନରେ ଥିବା ଧଳା ବାଘୁଣୀ ‘ବିଜୟା’ ଅସୁସ୍ଥ ହୋଇପଡ଼ିଛି । ବୟସାଧିକ କାରଣରୁ ୧୧ ବର୍ଷୀୟ ଧଳା ବାଘୁଣୀ ‘ବିଜୟା’ କାଲିଠୁ ଅସୁସ୍ଥ ଅଛି । ନନ୍ଦନକାନନ ପକ୍ଷରୁ ତାକୁ କ୍ୱାରେଂଟିନରେ ରଖି ସ୍ୱତନ୍ତ୍ର ଟିମ୍ ପକ୍ଷରୁ ଚିକିତ୍ସା କରାଯାଉଛି । ବିଜୟାର ଅଧିକ ଚିକିତ୍ସା ପାଇଁ ଓୟୁଏଟିକୁ ଏକ ଚିଠି ଲେଖିଛନ୍ତି ନନ୍ଦନକାନନ କର୍ତୃପକ୍ଷ । ବିଜୟାର ବ୍ୟବହାର, ଖାଦ୍ୟ ଓ ପାନୀୟ ଉପରେ ବିଶେଷ ଭାବେ ଧ୍ୟାନ ରଖାଯାଇଛି । ବିଜୟାର ସ୍ୱାସ୍ଥ୍ୟ ଅବସ୍ଥା ସ୍ଥିର ଥିବା ନନ୍ଦନକାନନ କର୍ତୃପକ୍ଷ ସୂଚନା ଦେଇଛନ୍ତି ।
