ଭୁବନେଶ୍ୱର, ଧାମନଗର ଉପନିର୍ବାଚନ ପାଇଁ କଂଗ୍ରେସ ଷ୍ଟାର ପ୍ରଚାରକ ତାଲିକା ଘୋଷଣା କରିଛି । ତେବେ ଏହି ତାଲିକାରେ କଟକ ବିଧାୟକ ମହମ୍ମଦ ମୋକିମଙ୍କ ନାଁ ନାହିଁ । ଏହା ଉପରେ ପ୍ରତିକ୍ରିୟା ଦେଇ ବିଧାୟକ ଶ୍ରୀ ମୋକିମ କହିଛନ୍ତି ଯେ ସେ କଂଗ୍ରେସ ଦଳର ସାଧାରଣ କର୍ମୀ । କଂଗ୍ରେସ ସହିତ ଅଛନ୍ତି । ଷ୍ଟାର କ୍ୟାମ୍ପେନର ଭାବେ ନାଁ ନଥିଲେ ବି ସେ ଧାମନଗର ଯାଇ ନିର୍ବାଚନ ପ୍ରଚାର କରିବେ ବୋଲି କହିଛନ୍ତି ।
ସେହିପରି ଏହା ଉପରେ ପ୍ରତିକ୍ରିୟା ଦେଇ ବରିଷ୍ଠ କଂଗ୍ରେସ ବିଧାୟକ ସୁରେଶ କୁମାର ରାଉତରାୟ କହିଛନ୍ତି ମୋକିମ ଦଳ ଠାରୁ ଦୁରେଇ ଯାଉଛନ୍ତି । କଂଗ୍ରେସ ଅଫିସ୍ ମାଡୁ ନାହାନ୍ତି । ଦଳର କୌଣସି କାମରେ ଯୋଗ ଦେଉନାହାନ୍ତି । ତେଣୁ ତାଙ୍କୁ ବାଦ ଦିଆଯାଇଥିବ ।ସେ କଂଗ୍ରେସ ଟିକେଟ୍ ରେ ଲଢି ବିଧାୟକ ହୋଇଛନ୍ତି , କଂଗ୍ରେସରେ ରୁହନ୍ତୁ । କିନ୍ତୁ ସେ ଦଳର ହୁଇପ୍ ମାନିଲେନି ।
ଦଳ ପାଇଁ ଆମେ ସମସ୍ତେ ଯାଇ ପ୍ରଚାର କରିବୁ । ଦଳର ୮ ବିଧାୟକ , ସାଂସଦ , ପିସିସି ସଭାପତି ସମସ୍ତେ ପ୍ରଚାରରେ ସାମିଲ ହେବେ । ଧାମନଗର ଉପନିର୍ବାଚନ କଂଗ୍ରେସ ବିଜୟ ହାସଲ କରିବ ବୋଲି ସେ କହିଛନ୍ତି ।
